الشنطة المفقودة فى المطار رجعت بعد فقدان الامل بصلوات ابونا سمعان و القديسي
ابني كان سافر من حوالي عشرة ايام الي اوكرانيا علشان يقعد هناك شهر و نص و كان واخد تقريبا كل هدومه معاه .الشنطة و هو رايح قعدت وقت كتير يعني كذا يوم علي ما وصلت ...المهم انه بعد ما سافر بحوالي يومين جوزي اتوفي فجاة يعني من اسبوع بالظبط و طبعا طلبت منه انه يرجع وللاسف برضه الشنطة ماجتش والظروف كانت صعبة اوي علينا و قلت يارب بشفاعة ابونا سمعان و انبا ونس و سان انطوان والعدراء الشنطة ترجع لاننا مش مستحملين حاجة زي كده كمان كفاية الظروف اللي احنا فيها ...و ابني راح المطار اكتر من مرة يدور عليها لكن مافيش فايدة لغاية امبارح الصبح لما كلمونا و قالولنا خلاص الشنطة راجعة و كنت قبلها كاتبة على الصفحة يا ابونا سمعان طالبة صلواتك علشان شنطة السفر بتاعة ابني الضايعة ترجع بعد ما فقدنا الامل ...انا باكتب دلوقتي علشان اقولك ...باشكرك من اعماق قلبي ..الشنطة رجعت و لغاية البيت ...فرحنا خالص وخصوصا انها رجعت متقطعة و مفتوحة بس تقريبا مافيش حاجة ناقصة و ده طبعا ببركة ربنا و شفاعة جميع القديسين اللي طلبناهم و خصوصا شفاعة ابونا سمعان اللي كنت واثقة انه مش هيتاخر علينا.... بركة صلواته تكون معانا دائما امين و خصوصا في الظروف اللي احنا فيها ...ى قوينا و يسندنا و يعزينا
22 - 09 - 2012, 07:59 AM
رد: الشنطة المفقودة فى المطار رجعت بعد فقدان الامل بصلوات ابونا سمعان و القديسي
العرض العادي
