صحيني من نومي التقيل

[walaa farouk]

هل جربت تعيش وقت تصارع فيه مشاعر الوحدة والترك والخذلان؟ 😔
لو عشت وقت زي كده أكيد أكتر حاجة هتفرق معاك
هي وجود ناس قريبين ليك يكونوا جنبك..
ناس متأكد إنهم هيفرقوا معاك وهيسندوك..

السيد المسيح وهو بيعلن لتلاميذه إنه ساعته قربت وخلاص هيُسلم للموت..
أخد معاه تلاميذه لجثسيماني.. مكان معصرة الزيت..

وعند البوابة خلى ٨ من تلاميذه يفضلوا موجودين بره..
ودخل هو للمكان ومعاه ٣ بس.. بطرس ويعقوب ويوحنا..

وكأنه عايز يقولهم إنتوا التلاتة اللي هتحسوا بكم الألم الداخلي اللي بعانيه...
من فضلكم صلوا.. ولو مش هتسندوني..
صلوا علشان نفسكم إنتم.. علشان ماتنهاروش ولا تضيعوا وأنا رايح للموت..

في الحقيقة التلاتة معملوش حاجة غير إنهم ناموا..
راح عنهم ورجعلهم ٣ مرات وهما نايمين..

خذلوه.. وسابوه في قمة مرارة الألم ومشاعر الترك الرهيبة..

أصدقاء مش قد الثقة.. وزودوا تعب على تعبه..

فوصل بيه الحال إنه يقوللهم: ناموا الآن وإستريحوا..
يعني بالعامية ناموا نوم هنيء واستريحوا خالص..
مش عاوز لتعبكم..

خلاص المشهد قرب على النهاية..
يالا بينا نمشي ومش هيفيد كلام معاكم..

ياه على المشهد الصعب ده.
. لما تكون منتظر رقة وحنو من ناس انت بتثق فيها
وليك فضل عليهم وهما ولا هنا..
أعينهم ثقيلة من النوم..
المهم راحتهم بس ولا فارق معاهم وجعك..

بصلي إن المشهد ده يعلمني أكون حساس لمشاعر ناس حواليا
بيعانوا ومستنين تعاطف مني وأنا منهمك في دوايري الخاصة.. 🙏😥

يارب ساعدني وإلهب قلبي وصحيني من نومي التقيل 🙏🙏

ناموا