يسوع عايزين نعملك زعيم

[walaa farouk]

يسوع انت عظيم ، عايزينك زعيم "
زي النهاردة من حوالي ٢٠٠٠ سنة إجتمع جموع غافرة من الشعب اليهودي حوالين يسوع
بسعف النخيل وهتافات تزلزل كل شوارع أورشليم "أوصنا ، أوصنا" ..
وقالوله بص انت عظيم إحنا عايزين نعملك زعيم .. إستقبل حفواتهم وحماسهم بود و بسلام
و بعدين قالهم "علي فكرة انا مملكتي مش من العالم ده " ،
انا مش جاي اعمل مملكة أرضية الارض دي هتزول ، أنا جاي أدعو الناس لمملكتي الثابتة للأبد .
و بعدين بص لتلاميذه و قالهم أنا جاي أبقي خادم مش زعيم ، اوعوا تتحولوا من تلاميذ لزعماء ،
زعماء العالم بيحبوا الزعامة علشان يتسلطوا علي شعوبهم و يتحكموا فيهم ويحققوا ربح من خلالهم
، لكن انتوا ميكونش فيكم الفكر ده .
و إعتذر لهم يسوع انه مش هيكون زعيم زي ما في تفكير الشعب اليهودي ،
و فشلوا انهم يحطوه في الخانة اللي راسمينها عليه اللي هو مش جاي علشانها .
خدام كتار و رجال دين بيفقدوا تأثيرهم لما بيتحولوا لزعماء بيتسلطوا
و يتحكموا في الناس علشان يحققوا ذواتهم و شهرتهم ، لكن طوبي للي يسمع رسالة يسوع لما قال :
"أما أنتم فلا يكون فيكم هذا الفكر"
يسوع فضل انه يكون خادم مش زعيم