11 - 04 - 2022, 04:38 PM
|
|
|
|
..::| الإدارة العامة |::..
|
|
|
|
|
|
بنقرا في (إش58: 3-7) عن جماعة من اليهود،
قرروا إنهم يصوموا ويذللوا نفسهم قدام الله..
لكن الحاجة الغريبة إن ربنا رفض صيامهم ده،
رغم إنه كان صوم قاسي ومتشدد..
وده كان لكذا سبب الله وضحهم ليهم،
منها مثلاً إنهم كانوا بيصوموا
وهما متخاصمين مع الناس اللي حواليهم..
وكان في ناس منهم بيشغلوا عُمال عندهم..
ومش بيدوهم أجرتهم كاملة،
وفي اللي كان بيصوم وبيمنع خيره عن غيره..
وبيتعامل مع المحتاجين بعدم محبة وبُخل،
والله أمرهم إنهم يتوقفوا عن الصوم بالشكل ده..
لأنه صوم مرفوض عند الله..
وقدم لهم طريقة مختلفة للصوم المقبول عند الله،
وهي إنهم يقدموا أكل للجعان،
ويفتحوا بيوتهم للمساكين،
ويعاملوا الأقل منهم برفق ورحمة،
ويبطلوا يظلموا العامل في أجرته،
هنا بنشوف منظور مختلف للصوم مش متعودين عليه..
وربنا بيورينا ايه نوعية الصوم اللي بيختاره..
الله عاوزنا نراعي سلوكياتنا وعلاقتنا بالناس اللي حوالينا،
قبل ما نراعي صومنا وأكلنا..
الله يهمه الإنسان قبل ما يهمه صيامه،
حلو إنك تبقى مدقق في صومك..
لكن الأحلى إنك تكون مدقق في حياتك وأفعاك،
لأن ده اللي هيغير حياتك للأفضل..
وهيخلي صومك له معنى وهدف.
☺️
|
