لكل يوم زوّادة: الشجرة ذاتها : 6 / 4 / 2022 /

[souad jaalouk]

لكل يوم زوّادة: الشجرة ذاتها

بيخبرو عن شجرة بالغابة وقفِت تحتا النملة، قالت شو هالشجرة العملاقة! وقف تحتا الثعلب، قال منيحة هالشجرة بس شايف اكبر منها، مارِق صقر عالي بالسّما تطلّع فيها و قال ما ازغَر هالشجرة!
بالنهاية الشجرة نفسها! كيف هيك كل واحد شافها غير عن التاني؟! كل واحد منن حكَم من موقعو هوّي و من وجهة نظرو هوّي... مثلاً الإنسان القريب من ربنا بيقول الله محبة، اللي بيخاف من الله رح يقول انو بيخوّف، اللي اختَبر رحمة الله و حصِل عا نِعَم رح يقول الله بيّ حنون و الإنسان البعيد يمكن يوصَل يقول الله مش موجود! الله واحد، الله نفسو، بس الفرق هوّي موقَعَك انتَ منّو! قرِّب منو و وحدَك رح تعرف وين لازم تكون. ما تلوم الله انو تاركك وحدَك و انت اللّي واقِف بطريقة ما بتخلّيك تشوفو! اليوم كلنا مدعوين نفكّر نحنا وين من ربنا و اذا لقينا حالنا بعاد، نعمل شي قبل ما يفوت الأوان!

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب