|
 |
 |
 |
|
رقم المشاركة : ( 1 )
28 - 03 - 2022, 07:31 AM
|
|||||||||||
|
|||||||||||
 في حوار السيد المسيح.. مع المرأة السامرية في إنجيل يوحنا 4... بنشوف إنه ركز على 5 أمور مهمة في العلاقة مع الله... 1- الخلاص: وده أول خطوة وأساس العلاقة... لأن بدون خلاص المسيح لينا من خطايانا.. مش هنقدر نوصل لله... وإن كل محاولة للبحث عن الراحة والفرح بعيد عن المسيح مش هتوصلنا لنتيجة.. المسيح بيخلص من الخطية وبيدي راحة لكل مؤمن بيه... 2- السلوك: وده علامة صدق الخلاص.. لأن الإنسان اللي نال الخلاص لازم سلوكه يتغير... ويظهر في علاقاته بالناس اللي حواليه... السامرية كانت محتاجة تراجع علاقاتها بالناس اللي حواليها... علشان كده المسيح قصد إنه يتكلم عن علاقاتها الزوجية السابقة... ويظهر لها إنها كانت عايشة بطريقة غلط ومحتاجة تغير أسلوب حياتها... 3- العبادة: العبادة هي الوسيلة لنمو العلاقة بيننا وبين ربنا... لأن من خلالها بيحصل تواصل بين الانسان والله... والمسيح شدد إن العابد لازم يكون حقيقي... بيقول اللي بيعيشه وبيعيش اللي بيقوله... الله مش عاوزنا نقول كلام كبير في العبادة إحنا مش حاسينه أو عايشينه... لكن عاوز قلوبنا تكون نقية وصادقة... 4- المعرفة: كتير من الناس في علاقتهم مع الله بيقفوا عند مرحلة معينة وبيشعروا إنهم عارفين كل حاجة عن ربنا ومش محتاجين حاجة تاني... لكن المسيح قصد إنه يبين للسامرية إن لسة في أمور عن الله مش معروفة ليها... وده لأن الله غير محدود ومعرفته مش بتقف عند حد معين.. الله عاوزنا نكون مشتاقين دايما لمعرفته... 5- الشهادة: بعد ما المسيح أعلن عن نفسه للسامرية... إنه هو الله الظاهر في الجسد... السامرية انطلقت تقول للناس وتبشرهم عن شخص المسيح وده أمر مهم جداً في علاقتنا بالله... إننا نشهد للناس اللي حوالينا عن روعة شخص المسيح وعمله الشهادة بتظهر عظمة عمل المسيح في حياتنا.. وبتدي فرصة للناس اللي حوالينا إنها تدخل في علاقة مع الله. 
|
 |
|
| قد تكون مهتم بالمواضيع التالية ايضاً |
| الموضوع |
| صور السيد المسيح مع السامرية |
| حوار المسيح مع السامرية |
| حوار السيد المسيح مع المرأة السامرية |
| السيد المسيح مع السامرية |
| حوار السيد المسيح مع المرأة السامرية |
العرض العادي
