|
 |
 |
 |
|
رقم المشاركة : ( 1 )
07 - 03 - 2022, 08:22 PM
|
|||||||||||
|
|||||||||||
 واحد صاحبنا معاه عُملة قديمة جدا ومقطوعه ومش عارف يصرفها كل مكان يروحه يشتري طلبات محدش بيرضى ياخدها منه علشان قديمه ومقطوعه لحد مازهق وفي مره كان واقف في اشاره فلقى ست غلبانه بتخبط على الازاز وبتطلب مساعده راح ادهالها بدون تردد وبعد مامشي فرحان انه ضرب عصفورين بحجر انه تخلص منها في عمل الخير سمع بنته الصغيره اللي كانت راكبه معاه بتقوله هي ليه يابابا مارجعتهاش زي ماحصل معاك في السوبر ماركت وفي الصيدلية وفي محل الملابس قالها علشان هما ادوني قصادها مقابل فكان لازم ياخدوها سليمه لكن دي مادتنيش حاجه قصادها ، انا مديهالها بمزاجي لو رجعتهالي علشان مقطوعه كنت هاخدها وامشي ومش هديها غيرها سكتت البنت شوية وقالتله بابا هو احنا ليه بنساعد الفقرا قالها علشان ربنا يفرح مننا ويبقى لينا مكان حلو عنده راحت قالتله يعني بمقابل اهو يعني كده ممكن ربنا مايفرحش مننا ولا يكون لينا مكان حلو عنده لاننا ساعدنا الست الغلبانه باللي مش عارفين نستفاد بيه مش باللي بنديه رغم احتياجنا كلام البنت كان زي القلم على وش باباها كلامها خلاه يركن العربيه ويرجع للسيده من تاني يديلها غيرها ويعتذرلها علشان فعلا كل اللي بنعمله من خير بفرح وبمحبه مش ببلاش وهايكون ليه مقابل في السما فبلاش نعمله طول عمرنا تقضية واجب ونتفاجئ اننا مفلسين فوق 👆 
|
|
العرض الشجري