النهاردة كان الانتظار في البنك طويل و فيه زحمة كتيرة و سألت موظف خدمة العملاء عن سبب العطل ده قال لي ان فيه ٣ من زمايله غابوا فسببوا الضغط ده .
لما قعدت أفكر لقيت إننا أوقات كتير لما بنغيب عن دورنا اللي ربنا حاططنا فيه و عايز يستخدمنا فيه بنسبب العطل ده .. و الحالة دي بتحصل بالظبط ناس كتير بتتعب و تكون مستنيانا و احنا مش موجودين و مسببين لهم تعطيل و تعب بسبب إن إحنا مش موجودين في مكاننا و مش بنؤدي الرسالة اللي ربنا مكلفنا بيها .
ربنا مش بيختار الحل السهل و يشوف حد مكانك يعمل دورك لكن بيصمم انك انت تعمله .. و بيتأني عليك و بيبعت لك صوته كتير انك ترجع تاخد مكانك .
إرجع خد مكانك .. الناس محتاجة جدا و وجودك هيفرق و ملكوت ربنا هينجح أكتر و يمتد .. لو انت غايب بقالك كتير إعرف ان غيابك مقصر جدا ووجودك بيفرق و هيفرق .
متفضلش غايب كتير لحد ما تخلي صاحب العمل يضطر يجيب حد ياخد مكانك .
02 - 03 - 2022, 08:29 PM
العرض العادي
