|
 |
 |
 |
|
رقم المشاركة : ( 1 )
27 - 02 - 2022, 08:14 PM
|
|||||||||||
|
|||||||||||
 من أصعب الأسئلة اللي بتواجهنا في الحياة.. إيه اللي يضمن لي إن اختياري في الزواج صحيح؟! وعلى أد صعوبة السؤال على أد صعوبة اجابته، لكن هنحاول نفكر فيه ونحط بعض الخطوات، اللي هتساعدنا ناخد قرار صحيح.. في 3 أمور بيحركوا إرادة الإنسان في الحياة، أول حاجة هي المشاعر والعواطف.. إيه مدى ارتياحي وتعلقي بالشخص اللي هرتبط بيه، ياترى بكون مبسوط معاه ولا لأ؟! ياترى يهمني أمره ولا لأ؟! تاني حاجة هي الأفكار.. قرارات الإنسان لازم تكون منطقية على الأقل بالنسبة له... لازم يكون عامل حساب لكل خطوة بياخدها.. ويسأل نفسه: هل أنا مقتنع بشخصية الشخص اللي هرتبط بيه ولا لأ؟! وهل أنا مستعد إني أكمل حياتي معاه تحت أي ظروف... تالت وأهم حاجة هي قيادة الروح القدس.. الكتاب المقدس بيقول لنا إن المؤمن المسيحي ساكن جواه الروح القدس (1كو3: 16) وكمان الروح القدس بيقوده في كل أمور حياته (رو8: 14) وده مش بيحصل غير لما يكون الشخص ليه علاقة قوية بربنا.. مشاعرك وأفكارك مهمين جداً في اختيارك لشريك حياتك لكن الأهم هو علاقتك بالله حط نفسك بين ايدين الله واتعلق بيه.. اجتهد إنك تشتغل على أفكارك ومشاعرك.. والنتيجة هي إنك هتعرف تختار شريك حياة صحيح وتعيش معاه حياة سعيدة مليانة بحضور الله. 
|
 |
|
العرض العادي
