|
 |
 |
 |
|
رقم المشاركة : ( 1 )
26 - 02 - 2022, 11:42 AM
|
|||||||||||
|
|||||||||||
 دولاب العلب البلاستيك انهاردة كنت في المطبخ بوزّع المواعين اللي اتغسلت و فتحت الدولاب بتاع العلب البلاستيك احط فيه حاجات .. اول لما فتحته فضلت واقفة قدّامه دقيقة كدة بتأمله وانا فرحانة .. عدي حوالي سنتين بعد ما روقته و وضبته اخر مرة و من ساعتها و انا مغيرتش اي حاجة فيه .. طبعا اللي بيقرأ هيقولي : طب وايه يعني ؟ فين المشكلة في الموضوع ؟ هقوله ثواني بس اصل الحكاية ان دولاب العلب البلاستيك ده عمره ما قعد اسبوع متنظم علي بعضه .. دائما كان مكركب وكل الحاجات اللي فيه متشقلبه ( كل الستات عارفة المعاناه دي ) 😀 لاننا بنحب اوي نشتري علب بلاستيك .. نظام ايه بقي ☺️ .. دي حلوة و دي متينة و دي غطاها مُحكم و دي و دي ودي 🙄 يووووه مقولكوش.. 😂 و مع مرور الوقت بتلاقي الدولاب بقي هيصة و دوشة و مهما حاولنا نرتبه او ننظمه.. يادوب يقعد اسبوع و يتنعكش تاني .. من حوالي سنتين قولت لا كدة كفاية اوي .. انا لازم احط حد للأزمة دي و انهي المآساه دي 😁 عملت حصر و فرز لكل العلب و طلعت اللي مش مناسب واللي مش بستخدمه و اللي مش حلو و اللي واللي واللي .... و بدأت انظمه بطريقه عملية و مريحة و تجيب من الاخر .. علشان انا مش عايزة كل شوية اضيّع وقت في الخنقة اللي بتحصل بسببه و المجهود اللي بياخده .. و في نفس الوقت اكون مبسوطة و مرتاحة و انا بستخدم الدولاب ده كل يوم 😌 حياتنا و قلوبنا و عقولنا بقت عامله زي الدولاب ده مع الوقت .. كمية ناس و كمية مشاكل و كمية مواقف وكلام و دوشة موجودة ملهاش حل .. كل ده بياخد من طاقتنا و مجهودنا و وقتنا و اعصابنا و مشاعرنا بشكل مش طبيعي و لا صحي و لا مريح .. احنا منقدرش نعيش بصحة و في سلام و في هدوء و راحة و نستمتع في حياتنا غير لما نشيل كل الدوشة والزحمة والمشاكل والصراعات و احيانا كمان الناس اللي بيسببوا كل ده .. لان كل المشاكل المتعلقة واللي ملهاش حل جزري و كل الصراعات اللي بتدخل فيها غصب عنك و ملهاش اي هدف غير مضايقتك و كل الناس اللي بتستنزفك .. اذا كان في خناق او كراهية او عداوة او علاقات سطحية ملهاش اي فايدة او مبتعملش اي بناء او تقدم في حياتك .. كل ده دوشة لازم تتشال من دولاب حياتك و قلبك و عقلك .. علشان تعيش وانت مرتاح و هادي . الحياة بقت مضغوطة بما فيه الكفاية .. بلاش احنا كمان نزود الضغوط علي نفسنا .. مواقف بتتعبك اهرب منها .. مشاكل معكننة عليك حياتك اتصرف و حلها بالشكل اللي يريحك .. الاخبار بتسبب لك اكتئاب و خوف متتفرجش ع الاخبار ولا تفتحها خالص .. ناس تعبينك طلعهم من حياتك او اتجنبهم تماما .. ارفع شعار " روّق دولاب العلب البلاستيك " و عيش بصحة و سلام و هدوء و راحة .. انت و انتي تستاهلوا ده ❤️ منقول بقلم ماريان عادل 
|
|
26 - 02 - 2022, 11:55 AM
|
رقم المشاركة : ( 2 ) | ||||
|
† Admin Woman †
|
رد: دولاب العلب البلاستيك
صح الكلام ربنا يباركك |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| العلة في قلب أيوب |
| لو كانت الغلة أد التبن |
| تلك هي العلة في هذا البلد ... |
| العلب الثلاثة |
| الغلة | غِلال |
العرض العادي
