لكل يوم زوادة: حٖبّ العالم متل ما بيحبّك الرّب : 22 / 1 / 2022 /

[souad jaalouk]

لكل يوم زوادة: حب العالم متل ما بيحبّك الرّب

في ترتيلة بتقول: كيف بتوصَل عالسَما اذا ما بتحبّ؟! حِبّ العالم متل ما بيحبّك الرّب! و بيِجِي القدّيس يوحنا فم الذّهب تا يؤكّد عالموضوع و بيقول:
"الحب هو جواز السّفر الذي به يعبُر الإنسان كلّ أبواب السّماء دون عائق."
صرتو تعرفو السّر شو ناطرين؟!
حبّو كل الناس، كل شخص بتلتقو فيه، رَحْ تقولو في ناس ما عم تقدرو تحبّوهن؟ كل ما تحسّو هيك حطّو بالميزان صعوبة حبّ هالنّاس و قبالُهن السّما، و هلّق بعدو حرزان شو ما كان السّبب اللّي مانِعكن تحبّوهن؟ اكيد لأ!...
"احبّوا بعضُكم بعضًا كما انا احببتُكم" شو هالرّب اللي كلّو حبّ، بكل كلمة بالكتاب المقدس في حبّ، بكلّ رسالة، بكلّ تفصيل! هيدي وصيّة ربنا النا اليوم و كلّ يوم...الله يزرع الحبّ بقلوبكن و عا طرقاتكن و يكون معكن. آمين

[walaa farouk]

امين
ميرسي علي زوادة اليوم
ربنا يفرح قلبك

[Mary Naeem]

آمين يا رب