هي الدنيا كده

[walaa farouk]

هي الدنيا كده ..
دايما بتيجي بالعكس !!
مخلوقة كده ، السوفت وير بتاعها متصمم كده !!
تجري وراها تجري منك و تذلك ، تسيبها و ترميها ورا ضهرك تجري وراك و تتحايل عليك ..
الفلوس كده ، و الشهرة كده ، و المناصب و المراكز كده !
اجري ورا الفلوس تذلك و تجيب راحتك في الارض ؛ لكن اعمل اللي عليك و ابذل كل جهدك
و ارضي باللي يجيلك براحة بال ، رزقك يوسع و يجيلك لغاية رجليك ..
برضه الشهرة كده : اتمنظر و لمع نفسك تلاقي الكرامة تهرب منك
و الناس تمدحك في وشك و تكرهك في ضهرك ، و الايام تتشقلب و تجيبك من فوق لتحت .
. لكن ازهد في الشهرة و اهرب منها و اعمل في الخفاء بأمانة ، تلاقيها تجيلك لغاية عندك
و تتحايل عليك و تعرف الناس كلها بيك ..
خاف من الدنيا و اعملها حساب ليها و للي عايشين فيها ، و احتاج لها و ليهم تذلك و يذلوك ؛
استغني عنها و عن أي حد يذلك ، تلاقيهم يجروا وراك و يخطبوا ودك و يتمنوا رضاك
و يحسوا انك اهم و اقوي منهم ..
يا سلام علي اللي فهمها، و يا بخت اللي رماها ، و يا سعد اللي استغني و عليِ فوقيها ..

[بشرى النهيسى]

الرب يبارك
حياتك ومجهودك