|
 |
 |
 |
|
رقم المشاركة : ( 1 )
19 - 12 - 2021, 07:36 AM
|
|||||||||||
|
|||||||||||
 اتمني السنه الجديدة ٢٠٢٢ نكون اتغيرنا وفكر الناس اتقدم 🙏🏽 هما كام امنية كده اتمني انك تعرفها وتعلمها لغيرك.. قلم وورقه واكتب ورايا واحفظهم في عقلك و❤️ ١- سيب الناس في حالها وخليك في حالك ... اشغل تفكيرك بامورك ومشاغلك .... احترم خصوصيات غيرك.. وسيب الناس في حالها تاني ٢- السعادة مش بكتر الفلوس بجد .. السعادة براحه البال والروقان ... والسلام النفسي اهم من الفلوس .. ٣- بلاش تتكلم بالفلوس كل شويه... او بلاش تتكلم اصلا بيها ... متقولش عملت بكام جبت بكام ... عملت لنفسك جبت لنفسك امورك متخصش الناس ها تتكلم بالفلوس يبقي انت عندك نقص.. ٤- اذا كنت شخص كبير او صغير نقي كلامك بلاش تقول اي كلام في اي وقت واي مكان ... فكروا قبل متتكلموا كلمتك ممكن تأذي انسان فتره كبيرة ٥- ياريت محدش يسال حد هتتجوز امتي ... او هتخلفي امتي ... هما لو يعرفوا هيقولوا... الغريب ان في ناس بقيت تسال العيب فين!!! يا جماعة دي حاجات بتاعت ربنا... ٦- كلامك بلاش يكون فيه احباط ... او تقليل من اللي قصادك متكسرش احلام حد.. لو شفت واحد عمل حاجه حلوه شجعه .. شجعه بكل قوتك... ممكن تكون الامل لشخص فقد متعة الحياة ٧- كل زفه حواليك من الصحاب زفه كدابه ... مش بكتر العدد ... اتنين تلاته رجاله احسن من ٥٠ ملهمش عازه... ٨- حب الخير لغيرك محدش هياخد رزقك ... محدش بياخد من فرحتك .. اللي ربنا كتبهولك في السما هتخدوه ... ٩- المظاهر كلها خداعه .. مش عيب تشوف المظاهر بس شوف القلب بعد كده ... يستاهل ولا قشره برضوا !... ١٠- توقع من اي حد اي حاجه عشان عدم التوقع مع حدوث الفعل هتقع علي دماغك وتتعب ١١- في فرق بين الغرور وانك متقبلش حد يهين كرامتك ... وفرق بين المحبة والحدود مفيش حاجه تلغي حاجه ... في الاخر اعمل خير. علي قد متقدر ... خير بكل انواعه ... ماديا لو تقدر ... معنويا وده سهل عليك لو قلبك بيحب الناس والخير ... اعمل خير وراعي مشاعر الناس ده لوحده خير ربنا هيعوضك اوي عليه .. 
|
|
19 - 12 - 2021, 05:30 PM
|
رقم المشاركة : ( 2 ) | ||||
|
..::| VIP |::..
|
رد: اتمني السنه الجديدة ٢٠٢٢ نكون اتغيرنا
رائع و جميل ربنا يفرح قلبك |
||||
|
|
 |
|
العرض العادي
