زوادة اليوم : العمى الحقيقي : 16 / 12 / 2021 /

[souad jaalouk]

زوادة اليوم :
العمى الحقيقي

مقابل أي مبلغ ممكن تعطي عيونك لحدا؟
مليون أو أكتر؟ ولا بمال الدني!

عيوننا هنّي صوره عن أغلى ما منملك.

منقول: "بحافظ عليه متل بوبّو عيني".

عيوننا يعني 264 مليون خليّه بتفرجينا النور والأشكال والألوان بالعالم.

لمّا منسافر ومنقول شفنا الصين كلّو بفضل عيوننا.

وزن العين 7 غرامات ونص، عيوني التنَين بوزن مكتوب.

15 غرام لسفرة العمر، أخفّ زوّادة وأهمّ زوّادة، وبالرغم من كلّ هالأمور مش عيوننا هنّي المهمّين.

منقدر نملك عيون وما نشوف.
لأن ورا العيون لازم يكون في شخص، شخص حابب فعلًا يشوف ويفهم ويحب.

بالحقيقه، حتى نشوف منيح لازم شرطَين: وجود العيون ونوعية النظر.

الزوّادة بتقلّي و بتقلّكن :

مش الأعمى أعمى البصر، إنّما أعمى البصيره.

إحذرو أنو ينقال عنكن: "لهم عيون ولا يبصرون"...

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب

[بشرى النهيسى]

شكرا علي زوادة اليوم
ربنا يفرح قلبك