خليك طفل صغير

[walaa farouk]

- مرحبا، شو إسمك؟
-- إسمي يسوع
- ليش قاعد وحدك؟ ما عندك رفقات؟
-- كان عندي كتير. بس فلّو كلن
- ليش فلّو
-- لأن خافو على حالن إزا بقيو معي
- طيب، مين ضربك؟
-- الناس
- ليش ضربوك؟
-- ما بعرف
- إنتا جرحتن شي؟
-- لاء، أنا جربت إشفيهن
- أنا زعلان عليك
-- ما تزعل، معليش
- أنا بحبك كتير
-- بعرف حبيبي
- كيف عرفت؟
-- لأن أنا كمان بحبك
- طيب شو فيني أعمل تداويك؟
-- ماشي الحال، هلق أنا صرت أحسن بس شفتك وسمعتك
- طيب فيك تكون رفيقي يا يسوع؟
-- أكيد، أنا رفيقك من وقت خلقت
- طيب فيني إحميك، وما خلّي حدا يضربك بقا؟
-- أكيد فيك
- عنجد؟ بس كيف؟ ما أنا طفل صغير
-- إي حبيبي، هيك فيك تحميني.. خليك طفل صغير

[بشرى النهيسى]

جميل وراائع
سلام المسيبح