مَفهُوم الفرح الرُّوحِى

[Mary Naeem]

مفهُوم الفرح الرُّوحِى:-
الفرح الرُّوحِى غير الفرح العالمِى ، فرح العالم مُتغيِّر ، يزُول ، ما نقدرش أبداً نسّمِى إِنْ فيه فِى العالم فرح أبداً ، ده العالم مليان ضِيق ، ده العالم مليان حُزن أوْ أحزان ، الحياة مَعَْ الله يا أحِبّائِى هى الفرح الحقيقِى ، خارِج الحياة مَعَْ ربِنا متلاقيش فرح الفرح الرُّوحِى فرح مِنْ أعماق القلب ، فرح زى ما قال عنهُ مُعلّمِنا بُطرُس الرسُول[ 000فتبتهِجُونَ بِفرحٍ لاَ يُنطقُ بِهِ وَ مجيدٍ ] ( 1 بط 1 : 8 ) ، مِنْ الداخِل ، مِنْ الأعماق ، فِى فرحة جوّه ، فرحة بِحياتِى مَعَْ ربِنا ، فرحة بِوسايِط النِعمة ، فرحة بإِستعدادِى للأبديّة ، فرحة لإِتصالِى بِالسَّماء ، فرحة بِحياة البِر الّلِى بعيِشها ، فرح لإِنتصار الرّوح على الجسد فرح لاَ يُوصف العالم لاَ يُعطِى فرح ، ملذّات العالم لاَ تُعطِى الفرح ، بل بِالعكس ، ملذّات العالم تترُك الإِنسان فِى حُزن أكثر ، وَ فراغ أكثر ،وَ كُلّ ما الإِنسان يأخُذ مِنْ العالم كُلّ ما يزِيد عطشه وَ جُوعه ،زى ما قال ربِنا [ 000كُلّ مَنْ يشربُ مِنْ هذا الماءِ يعطشُ أيضاً ] ( يو 4 : 13 ) ما نقابلش حد فرحان ، الحياة الزمنيّة ضاغطة علينا ، فقدانه أجمل سِمة فِى حياتنا كمسيحيين سِمة الفرح ، ده كان زمان لمّا يشُوفوا حد فرحان يقُولوا لهُ بايِن عليك إِتقابِلت مَعَْ واحِد مسيحِى ، لمّا واحِد مُجرّد يتقابِل مَعَْ واحِد مسيحِى الفرح بِتاع الإِنسان المسيحِى يشِع عليه فيُبقى فرحان مِنْ أهم صِفات الإِنسان المسيحِى الفرح ، زى ما قال ربِنا[000وَلكِنْ حُزنكُمْ يتحّولُ إِلَى فرحٍ ] ( يو 16 : 20 ) ، الإِنسان محتاج لِلفرح ، فأحياناً يدّور على الفرح ده بعيد عَنْ ربِنا ، الإِنسان مُمكِن يفتِكر إِنّه مُمكِن يفرح لو أكل أوْ شرب أوْ لبس أوْ لو إِقتنى أوْ لو إِتغنى صدّقُونِى يا أحِبّائِى العالم لاَ يُشبِع ، العالم لاَ يُفرِّح أبداً ، ده كُلّ ما الإِنسان زاد سعيه لِملذّات العالم كُلّ ما زاد حُزنه مِنْ الداخِل وَ فقره ، وَ كُلّ ما زادِت الضغُوط عليه الفرح الّلِى مِنْ جوّه يا أحِبّائِى ده فرح أولاد الله ، ده فرح لاَ يُنطق بِهِ ، ده فِيه مسرّة جوّاه ، فِيه إِحساس مِنْ جوّاه بِالرضا وَ القبُول وَ القناعة ، فِيه إِحساس جوّاه إِنّه بدأ يعيش السَّماء على الأرض لأنّهُ بيعيِش حضرِة الله فرح ، فرحان ، كُلّ ما الإِنسان يا أحِبّائِى يعرف إِنْ فرحة مِش فِى العالم لازِم يبحث عَنْ فرحُة فِى المسيح يسُوعَ ، وَ هُنا يبدأ يدوق عربُون الفرح السَّماوِى ، مُشكِلة كبيرة يا أحِبّائِى إِنْ إِحنا الّلِى بِنبات فيه بِنصبح فيه ، وَ الضيق مالِك علينا ، وَ الحُزن مالِك علينا ، فِى حين إِنْ ربِنا يسُوعَ دعينا دعوِة فرح [ إِفرحُوا فِى الرّبّ كُلّ حينٍ وَ أقُولُ أيضاً إِفرحُوا ]( فى 4 : 4 ) الكلام ده فِى رِسالِة مُعلّمِنا بولس الرسُول إِلَى أهل فِيلبِى ، وَ هُوَ مسجُون يقُول لِلنَّاس[ إِفرحُوا ] بينما هُوَ مسجُون ، يعنِى المفرُوض إِنْ إِنت تكُون عايش دلوقتِى كآبة وَ ضِيق ، أبداً00الفرح الرّوحانِى يا أحِبّائِى فرح لاَ يتّوقف على الظرُوف ، لاَ يتّوقف على المكان ، ده فرح مِنْ جوّه مِنْ أعماق القلب ، مش شرط إِنْ أنا أفرح لمّا أأقعُد فِى مكان يكُون عاجبنِى ، أبداً الفرح الّلِى مِنْ الله يا أحِبّائِى فرح مِنْ أعماق القلب ، فرح مِنْ الداخِل ، الإِنسان لو دوّر على الفرح برّه ربِنا يسُوعَ مِش حيشبع وَمِش حيكتفِى وَمِش حيتغنِى أبداً أبداً ،خارِج ربِنا يسُوعَ ما فيِش فرح ، ملذّات العالم ما تديش فرح ، الإِنسان فِكره إِنّه لو يحقّق شويِّة رغبات جوّاه يطمئِن وَ يهدى وَيفرح ، أبداً000أبداً لو الإِنسان صدّقونِى – لو الإِنسان – مثلاً قال أنا عايِز دخلِى يُبقى كذه بعد كِده أستقِر وَأهدى ، يجيِله دخل كذه ده الّلِى كان عايزه ، يلاقِى نَفْسَه ما إِستقرش وَ لاَ هِدِى وَ لاَ فرِح ، يبتدِى عايِز إيه عايِز تانِى00عايِز تانِى ، إِيه الّلِى يفرّحك ؟ إِيه الّلِى يغنِيك ؟ إِيه الّلِى يخلّيِك تشعُر إِنت فِعلاً مكتفِى ؟يقُول مُعلّمِنا بولس الرسُول[ ليس أنّنا كُفاةٌ مِنْ أنفُسِنا أنْ نفتكِر شيئاً كأنَّهُ مِنْ أنفُسِنا بل كِفايتُنا مِنَ اللهِ ]( 2 كو 3 : 5 ) ، الإِنسان مِش حيشبع ، وَمِش حيفرح إِلاّ بِربِنا يسُوعَ ،القديس أُوغسطينوس كان يقُول لِربِنا كِده [ خلقتنا يارب لك فضلاَ وَ لَمْ تطمّئِن نِفُوسنا إِلاّ بِالحياة معك ] ، خلقنا لهُ وَ مِش حا نطمئِن وَ مِش حنفرح إِلاّ لمّا نعيش معاه فرح أولاد الله يا أحِبّائِى فرح مِنْ داخِل النَفْسَ ، يقُولوا على الجماعة الّلِى كانُوا بيعذِّبُوا المسيحيين كان يلاقُوهُمْ رايحين لِمواكِب الإِستشهاد لابسين أجمل ثِيابهُمْ وَ يُهلِّلون ، رايحين يمُوتوا فرحنين ، أكتر حاجة تجيِب للإِنسان وجع بس الموت ، بل سِيرة الموت ، دول رايحين يستشهِدُوا ، دول بِيسبّحُوا أوْ يرنّمُوا يقُولُوا عَنْ الملِك دقلديانُوس أنّهُ كان يتفنّن فِى عذاب المسيحيين ، فمرّة يجلِد ، وَ مرّة يحرق ، وَ مرّة يُصلُب ، وَ مرّة يُلقِى لِلوحُوش ، كان يُحِب يشُوف مناظِر المسيحيين وَ هُمَّا بيمُوتوا ، وَ بعدما ماتوا وَبقيوا جُثث يحِب يشُوفهُمْ علشان يشعُر بِسعادة إِنّه غلبهُمْ ، قال لِلجماعة الّلِى كانُوا معاه دول وحوش مش بنِى آدمين ، دى وحشيّة مِنهُمْ أنْ يمُوتوا مُبتسمين [ 00سأراكُمْ أيضاً فتفرحُ قُلُوبكُمْ وَ لاَ ينزعُ أحدٌ فرحكُمْ مِنكُمْ ] ( يو 16 : 22 ) ، لو فيه حُزن وَ كآبة فِى حياتك مُستمرّة إعرف إِنْ فيه حاجة فِى حياتك مَعَْ ربِنا غلط ، الواحِد يقابِل حد كُلّ واحِد يشتكِى ، مهمُوم ، إمتى حنبقى فرحانين ؟ الفرح مِنْ ثِمار الرّوح القُدس[ 00محبّة 00فرح 00سلام00] ( غل 5 : 22 ) لو رُوح ربِنا جوّانا يُبقى لازِم يكُون فِينا فرح ، لو رُوح ربِنا مطفِى جوّانا يُبقى ما فيش جوّانا فرح ، علشان كده الإِنسان الّلِى بيشعُر إنّه هُوَ مُمكِن حياته تُبقى بعيدة عَنْ سلام وَ فرح ربِنا ده حيُبقى فقير جِدّاً شُوفوا كده سُليمان الحكيم قال كده أنا حبّيت أدّور على الفرح فجيت مثلاً أأقعُد أضحك ، حبّيت أجيب ناس تقعُد تضّحكنِى ،راجِل ملِك يجيب شويِّة عِيال أراجُوزات يعمِلوا لهُ شويِّة حركات وَ يقُولوا نُكت يقعُد يضحك ، عارفين الحكيم قال إيه على نَفْسَه [ لِلضَّحكِ قُلتُ مجنُون000 ] ( جا 2 : 2 ) ، إيه العبط الّلِى أنا بعمله ، وَ التفاهة الّلِى أنا فِيها كان فيه طبيب نفسانِى فِى الخارِج ، فِى الخارِج المرضى النفسيين كُتار جِدّاً لأنّ النَّاس محتاجة لِلفرح ، فكان المريض لمّا يجيله يقول لهُ إِذهب إِلَى الجنينة دى وَ حتلاقِى حاوِى ، رّفه عَنْ نَفْسَكَ ، فكان كُلّ واحِد يقُول لهُ كده ، ففِى مرّة المريض قال لهُ أنا الحاوِى ده ، العالم لاَ يُشبِع ، لاَ يُعطِى فرح ده مُعلّمِنا بولس الرسُول كان مربُوط فِى مقطرة وَ كان يُسّبِح الله ( أع 16 : 24 ) ، مفيش فِى العالم مسرّات ، كان مرّة عملوا إِحصائيات فلقوا إِنْ السّويِد مِنْ أغنى دُول العالم وَ بِها عدد كبير جِدّاً مِنْ المرضى النفسيين ، ما عندهُمش فرح قلب الإِنسان مخلُوق على هيئِة مُثلّث ، لو حطّينا الكُرة الأرضيّة فِيه ستظل أركانه فارِغة ، [000 ويل لكُمْ أيُّها الضَّاحِكُون الآن لأنّكُمْ ستحزنُونَ وَ تبكُونَ ] ( لو 6 : 25 )