علم اسكتلندا و القديس أندراوس

[walaa farouk]

إيه السر ورا ألوان علم اسكتلندا و علامة X اللي عليه؟ و إيه علاقة القديس أندراوس بالموضوع؟
❓القديس أندراوس مش من التلاميذ أو الرسل المشهورين عندنا ...
لكن الحقيقة له دور مهم جداً أثناء حياته ... و حتى بعد استشهاده، هو شفيع دول كتير ... تعالوا نعرف ليه
▪️القديس أندراوس هو أخو القديس بطرس الرسول ...
▪️و الحقيقة المرات اللي ذُكر فيها القديس أندراوس في الكتاب المقدس 3 مرات بس
، أشهرهم المرة اللي فيها قدّم لربنا يسوع الولد اللي معاه ال5 خبزات و سمكتين في معجزة إشباع الجموع
🛐 كرازته
القديس أندراوس بشّر في أماكن كتير في أوروبا و آسيا ... منهم مكانين إحنا واثقين فيهم 100%
▪️أول مكان هو روسيا ... هو يُعتبر الكارز الأول للمكان ده ...
عشان كده اسم Andrei مشهور جداً في دول الاتحاد السوفيتي (زي روسيا و أوكرانيا و كرواتيا)
▪️تاني مكان هو اليونان ... لأن ده المكان اللي هو استشهد فيه
✝️ استشهاده
▪️استشهد القديس أندراوس في مدينة بتراس من مقاطعة أخائية في اليونان .
.. و تعيّد له الكنيسة يوم 4 كيهك ... و فيه حاجتين نقدر نقولهم عن الصليب ده
▪️أول حاجة إنه كان على حرف X ... لأن القديس أندراوس
(زي القديس بطرس اللي صلب مُنكّس الراس) شاف إنه مايستاهلش يتصلب زي ربنا يسوع
▪️تاني حاجة: يقال إنه كان مربوط في الصليب بالحبال مش متثبت بالمسامير ... و ده يزود الآلام و مدّتها
علم اسكتلندا 🏴󠁧󠁢󠁳󠁣󠁴󠁿
بعد وقت من استشهاده (حوالي سنة 400م)، حصل اضطهاد تاني .
.. فقديس يوناني اسمه ريجولوس كان عايز يحمي الذخائر (جسد القديس أندراوس) ..
. فهرب بيها على مركبة
و وصلت بيه المركبة لاسكتلندا ... و من هنا بدأ شعب اسكتلندا يعرف القديس أندراوس
بعد كده، سنة 832م كان فيه حرب بين اسكتلندا (بقيادة ملك اسمه Angus)
و بين الساكسون (قبائل ألمانية)
و الملك ده اتشفع بالقديس أندراوس
شاف في السما سحب بيضا عاملة صليب على السما الزرقا ...
اعتبر الملك ذلك علامة من ربنا، فتعهد يخلّي القديس أندراوس شفيع اسكتلندا في حال ربح المعركة
و فعلاً كسب المعركة ...
و غيّر علم اسكتلندا عشان يكون صليب القديس أندراوس على خلفية زرقاء ..
. و سمّوها Saltire
و القديس أندراوس بقى شفيع اسكتلندا ... و بقى يوم 30 نوفمبر عيد قومي عندهم (St Andrew's Day)

[بشرى النهيسى]

راائع جدا
ربنا يفرح قلبك

[walaa farouk]

ميرسى على مرورك الغالى