ازاي تكون شخص مريح للي حواليك

[walaa farouk]

خطوات تساعدك تكون شخص مريح 😍👇
1) خليك متاح لما حد يحتاجك 👬
علشان الدعم الحقيقي بيكون في الأوقات الصعبة
اللي الشخص فيها بيحتاج ناس جنبه

2) اسمع بانتباه من غير نصايح 👂
لما حد يشاركك بمشاعره العميقه أو حتى برأيه وأفكاره
اسمعه كنوع من المشاركة من غير تصحيح
ولا تعديل لكلامه وفكره علشان يبقى شبه طريقة تفكيرك

3) شجعهم على الإيجابيات والتقدم 👏
الصفات الإيجابية تستاهل التشجيع،
والاجتهاد والتقدم في حاجة برضو يستاهل التشجيع

4) صدق فيهم لما يفقدوا الثقة في نفسهم 💪
في أوقات الواحد فيها بيكون مُحبط من نفسه،
دي أكتر أوقات بيحتاج فيها حد يصدق فيه

5) التمس لهم الأعذار لما يغلطوا 😍
التماس الأعذار وقت الغَلط، بيشجع الشخص
إنه يعافر ويجرب تاني ويتقدم في حياته