لكل يوم زوّادة: نجمتين بالسما : 21 / 9 / 2021 /

[souad jaalouk]

لكل يوم زوّادة: نجمتين بالسما

بيخبرو عن نجمتين بالسما عم يتخانقو مين برأي سكّان الأرض احلى و مين لونها اجمل و مين بتضوّي اكتر و مش عارفين انّو اهل الأرض بيشوفو التنين نقط بيض و ما بيفرقو بيناتن! الزوّادة بتقلّك اليوم انت بتعرف حالك و ما تقارن حالك بحدا و لا تغيّر حالك تا تعجُب حدا و اكتريّة الوقت رح يكون هوّي مش مهتم...كل ما حدا حسّسك انّك مش منيح كفاية ما تزعل الله خلقك عا صورتو و مثالو مين هنّي الناس تا يقَيمو شغل الله! لو كل واحد بيعيش حياتو و بيترك الناس يعيشو حياتن و ما يحاول يتحكّم بالناس و يجرّب يعيش حياتن عنّن بتكون خطوة الأولى للفرح و السلام. صلّيلنا يا رب نتطلّع بالمراية بضمير مرتاح و نقدر نشوفك بحالنا و بالناس اللي منلتقي فيهن آمين

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب

[بنت معلم الاجيال]

ربنا يباركك