لمسني اوي موقف في فيلم ابونا يسطس وكأني بشوفه لأول مره لما الربيطه طرده من الدير عشان قطع الحبل وهو بيشد جرس الدير بالرغم اني مش عارف ايه الغلط اللي ارتكبه دا حبل داب وانقطع غصب عنه ..
لكن الحقيقه اللي شدني موقفه ورد فعله ..
دا كان طالب رهبنه وقعد في دير الانبا بولا سنتين ومن خلال بقيه حياه ابونا يسطس نقدر نستنتج إنه اكيد في السنتين اللي قضاهم في الانبا بولا
كان مثال للخدمه والتواضع والبذل والمحبه .
واكيد دا كان واضح للرهبان هناك لكن في لحظه كل اللي عمله في سنتين اتنسي عشان غلطه غصب عنه وبالرغم من كدا ما اعترضش ولا اتعصب ولا اي حاجه كل اللي قاله انت يارب عارف اشتياقات قلبي وقال هروح الانبا انطونيوس يمكن يقبلني اكون ابن من اولاده وفعلااااا الرهبان في الانبا انطونيوس رحبوا بيه وربنا كان راسمله خطه اجمل في الدير دا واترهبن بعدها في الدير ..
اللي عايز اقوله لنفسي اولاااا .. ممكن ربنا يديك تجربه انك تسيب حاجه انت بتحبها شغل بقا او خدمه او اصحاب اواي حاجه تانيه عشان هو مرتبلك الاحسن لكن المهم اننا نقبل اختيار ربنا في حياتنا ونقوله يارب انت عارف اشتياقي وهو هيعوضك بطريقته وفي وقته اهم حاجه نسلم ليه .((.سلمنا فصرنا نُحمل.)).
الحقيقه الموقف دا لمسني انا شخصيا لمواقف كتير انا مريت بيها الفتره اللي فاتت. لكن انا واثق في تعويض ربنا حتي لو انا سبت حاجات بحبها لكن ربنا اكيد عنده الاحسن لانه ليه خطه في حياه كل واحد فينا
سيب ربنا يختار.
17 - 09 - 2021, 06:47 PM
قد تكون مهتم بالمواضيع التالية ايضاً
العرض العادي
