جسمى امانتى

[walaa farouk]

العمر المناسب لإبنى لتوعيته ( للحديث عن التحرش الجنسى)
يؤكد خبراء التربية ان العمر المناسب لتوعية الطفل توعية جنسية لحمايته من التحرش هو نهاية الطفولة المبكرة وبداية الطفولة المتوسطة يعنى مرحلة ما قبل المدرسة ( بداية من 3 سنوات) دا ضرورى قبل ما ابنى يدخل المجتمعات الجديدة زى الحضانة ،المدرسة ،النادى او حتى الاحتكاك الحر بالاقارب ولا يشترط الحديث معاه بشكل منفصل انما ممكن نستغل المواقف اليومية والانشطة الى بيقوم بيها الطفل زى دخول الحمام وتغير ملابسه ....الخ
لكننا نفضل اننا نبدأ التوعية بشكل مبسط قبل السن ده يعنى من عمر سنة ونص نكتفى بتعليم الطفل اجزاء جسمه بشرط تسميتها بأسماءها الصحيحة زى ( الفم ، الانف ، العين ، الاعضاء التناسلية ) ومينفعش نستبدلها بأسماء اشياء او اسماء بديلة من اختراعنا لازم الطفل يعرف اسماء اعضاء جسده كلها ونشعروش بالحرج واحنا بنسمى الاعضاء التناسلية لان الطفل بيكون برئ وصفحة بيضة وملامح وشك هى الى بتشكل مشاعره ....دا بيساعد طفلك انه يشير بوضوح لو اتعرض للتحرش او حتى لمسة مش مظبوطة
ونعلمه المشاعر والتعبير عنهاعلشان لما يكبر يقدر يعبر عن الخطر لو اتعرض لدا
علموه من خلال النمذجة غلق الابواب لما تغيرى له الفتى نظره اننا لازم نقفل باب الاوضة حتى لو مفيش حد فى الصالة ولازم نقفل الحمام او حتى نرد الباب فى البيت علشان تغرسى فيه الخصوصية السلوكيات دى هو هيقلدها ببراءة بدون ما يسأل عن اسبابها وفى السن دا متقوليش اسباب خالص انت بتغرسى عادات فقط
بالنسبة للطفل الى بيتراوح ما بين 3 الى 5 سنوات علميه ان فى اجزاء خاصه من جسمه مينفعش حد يشوفها او يلمسها ولو حاول حد يلمسها لازم يصرخ .
يعنى نعلمه ان اجزاء الجسم منقسمه لقسمين اجزاء بتتغطى بالمايوه ممنوع حد يلمسها غير ماما والدكتور لما تكون ماما او بابا موجودين
واجزاء تانية مش بتتغطى بالمايوه ودى ممكن اشخاص تانية يشوفوها او يلمسوها وهنا نعلمه الفرق بين اللمسات
وممكن نستعين بجوانتى محشو ودا بياخد دور المتحرش بدون ما نفهم الطفل ان دا متحرش احنا بنعلمه الفرق بين اللمسات بشكل حسى ونبدأ نلمس الطفل بايدينا فى الاجزاء المسموحة ( الايد – الكتف) ونقوله دا عادى ومسموح علشان الطفل ميبقاش منطوى او منعزل اجتماعياً
ونجيب الجوانتى المحشو ونلمس الطفل بطريقة مريبة ونقولة اللمسة دى وحشة ونعلمه يزق الجوانتى علشان يقدر الطفل يتعرف على محاولات الاعتداء عليه.
اولادنا حياتنا