نصايح زواجية مفيدة

[توتا كمال]

رسالة لكل زوجه وزوج علشان متلقوش نفسكم في محكمة الأسرة أو الحياة تنتهي بنكم وانتم مع بعض 💌

● الطبطبة مش عيب ..
●الكلمة الحلوة مش بتمرِع ..
● الإهتمام مش محتاج مجهود و لا فلوس كتير ..
●بلاش نقف لبعض على الواحدة ...
●أحسنوا النوايا ..
●التفاصيل بتفرق و الإهتمام بيها بيصنع المعجزات ..
●أقوي حب بيموت بالإهمال وعدم الإحترام ..
●العشرة الطيبة ممكن تبقي أقوي في حبها من الرومانسية غير الناضجة ..
●الحب مش بالكلام و بس .. أكبر من كده بكتير ..
●نجاح أي علاقة محتاج مجهود من الطرفين ..
●الشكوي من عيوب شريك حياتك الدايم هيزهقه حتي لو معاك الحق ..
●بلاش مقارنات ..
●بلاش الدماغ الناشفة و إن شريك حياتك يزهق من النقاش معاك ..
●الست الذكية هي اللي عارفه ازاي تكسب جوزها ..
●الرجل الذكي هو اللي فاهم طبيعة الأنثي ..
●الغلط بيجيب غلط أكبر منه.. الإحترام ❤❤❤ أهم حاجة ..
●كبّروا دماغكوا ..
●امدح في مراتك قدام الناس ..
●اللي مبيعجبوش العجب ده أكتر نوع مزعج في الجواز ..
●الرجل و الست بيكملوا دور بعض مفيش حد فيكم دوره مش مهم ..
●مراتك شايلة كتير أوي أوي .. ساعدها قد ما تقدر ..
●جوزك طالع عينه في الشغل .. قدّري تعبه ..
●النكد بيحول أي بيت لمكان يسد النفس ..
●كلمة تسلم إيدك مش صعبة ..
●كلمة ربنا يخليك لينا مش صعبة ..
●الولاد مسئوليتكم سوا من الألف للياء ..