الضعف البشرى

[Mary Naeem]

البابا تواضروس الثاني

لكن احنا كبشر مازالنا تحت الضعف البشري والضعف البشرى مش نروح فيه بعيد نروح لغاية المسيح نقول له يسوع أخترت كام تلميذ يقول 12 بطرس ويعقوب ويوحنا …. ونقوله يعنى يارب اخدتهم كلهم متنقيين مش فيهم غلطة ولكن اللي حصل ان ال 12 شافوا معجزات المسيح وشافوا أمثال وتعاليم المسيحة لكن في واحد يشوف ويخزن جوه قلبي ويعمل كل هذا بداخله وفى الصور الرمزية اللى قدمنا لتلاميذ المسيح يقول “كان يتكئ على صدر المسيح” في المقابل تلاقى واحد مش عاجبه حاجه ويفكر يبيع سيده “يا يهوذا هو انت مشفتش معجزات المسيح “بس للأسف مدخلتش جوه قلبه لا مقابلاته ولا تعاليمه ولكن دخل فيه شيطان ” كَثِيرُونَ سَيَقُولُونَ لِي فِي ذلِكَ الْيَوْمِ: يَا رَبُّ، يَا رَبُّ! أَلَيْسَ بِاسْمِكَ تَنَبَّأْنَا، وَبِاسْمِكَ أَخْرَجْنَا شَيَاطِينَ، وَبِاسْمِكَ صَنَعْنَا قُوَّاتٍ كَثِيرَةً”

في كل مجتمع يظهر يهوذا واتجاسر وأقول في كل 12 يظهر يهوذا وهو يمثل الخيانة بكاملها، لا تهتزوا يا أخواتي يوجد الله ضابط الكل وعبر التاريخ في رهبان سقطوا ، أيام يوحنا ذهبي الفم راهب وقع في خطية ومن نفسه ساب الدير والقديس يوحنا كان عارف انه وقع عن ضعف وصغر نفس في بالوعة اليأس ويوحنا ذهبي الفم كتب له رسالة ترجمت اسمها “ستعود بقوة أعظم “وبالفعل الراهب قرا الرسالة وتاب ودخل ديرة مخرجش غير لما مات وهذا كتاب موجود وطبعته كنيسة مارجرس سبورتنج “ستعود بقوة أعظم “.