حياتنا لسه ما بدأتش ف ماتوجعش نفسك بالفرجة على الناس

[walaa farouk]

البنت اللي محدش كان بيحبها في المدرسة دلوقتي متجوزة.
الولد اللي كان بيقولوا عليه رخم دقولتي عمل كافيه عالمي في المهندسين.
البنت التخينة جدا ومحدش كان بيبص لها دلوقتي خست ومخطوبة.
الواد أبو كرش دقولتي بقي بطل كمال أجسام .

اشطر واحد في الفصل بتاعك صاحب بنت واتكحرت في الكلية.
أوائل الثانوية العامة بيعيدوا السنة.
اللي سبقك واتجوز ماخلفش.
واللي اتأخر في الجواز خلف بسرعة.
واللي عايز ولد جت له بنت.
واللي عايز بنت جاله ولد.
واللي ما نفسوش في عيال ربنا بعتله توأم.
البنت اللي حبيتها اتجوزت واللي قبلها اتخطبت واللي بعدها صاحبت.
المجموع اللي جبته ودخلت أحسن كلية في مصر طلع فانكوش !
اتخصصت تخصص حلو ما عجبكش !
افتكرت انك اتعينت في مكان حلو طلع وحش !

امشي في حياتك لو قابلت بنت الحلال اللي عايزة تكمل معاك أهلا وسهلا !!
لو اشتغلت عند ناس وربنا كرمك معاهم يبقي يا سلام .
البنت اللي سابتك عشان شغلك مش عارف إيه كتر ألف خيرك ومع السلامة وما تزعلش .
مديرك طردك مع إنك احسن واحد بتشتغل ولا يهمك.
ما انت جربت اللي افتكرته خير طلع شر واللي كنت فاكره شر طلع خير !
أصلها في الأخر دنيا وكده ولا كده زي بعضها ...

ارضي ربنا في الكام يوم الزيارة اللي انت قاعدهم هنا وما تتعبش نفسك عشان ما يجيش يوم وتقول ( يا ليتني قدمت لحياتي )
حياتنا لسه ما بدأتش ف ماتوجعش نفسك بالفرجة على الناس..