شكرًا لأنك موجود في حياتي

[walaa farouk]

يمكن باقضي أوقات كتيرة في ألم ومتّاخد في صراعات
نتيجة قسوة ناس أو ظروف مختلفة..

يمكن شايف واقع مؤلم بيغطي على اختبارات باعيشها بيعملها معايا الرب..

لكن أكيد شايف إيدين عظيمة شايلاني محاوطاني..
شايف مقاصد صالحة بتغطيني وسط ضباب الظروف..

شايف وحاسس بوجودك يارب وسط ضجيج هائل من تقلبات الدنيا وظروفها.. بتبعت أمانك وسلامك في أوقات إحتياجي ليها.. 😊

أكتر ما بيأسرني هو إنك عارفني بكل تفاصيلي
.. ومش مختفي عنك ولا منسي منك..

هاقولك مع داود:
لَوْ نَبَتَ لِي جَنَاحَانِ وَطِرْتُ إلَى الشَّمْسِ المُشْرِقَةِ،
أوْ طِرْتُ غَرْبًا إلَى أقْصَى البَحْرِ. حَتَّى هُنَاكَ، أجِدُ أنَّ يَدَكَ تُمْسِكُنِي وَتَقُودُنِي. مز139: 9- 10 (ترجمة مبسطة)

ياه يارب يعني لو انطلقت زي أشعة الشمس عبر السماء من الشرق إلى الغرب بسرعة رهيبة هلاقيك موجود 🙏 تهديني يدك وتمسكني يمينك.. 😍

شكرُا لأنك موجود ومتداخل معايا في كل ظروفي وتقلباتي.. شكرًا لأن حبك ليَّ ثابت ومش بيتغير بتغيراتي.. شكرًا لأنك موجود في حياتي
انت_عجيب_يارب 💟🙏
-