|
 |
 |
 |
|
رقم المشاركة : ( 1 )
11 - 07 - 2021, 09:10 PM
|
|||||||||||
|
|||||||||||
 كنت قاعدة مع مرات اخويا ولقيتها فجأة بدون مقدمات مكتئبه وحالتها سيئه - طب قومي نعمل الاكل سوا = لا مش عاوزة كنت بحاول اراضي فيها وبرضه مفيش اي رجا منها انها تقوم.. اخويا رجع من شغله بصلها كدة - الله ايه قصة الشعر الحلوه دي!! بعدها مرات اخويا اتحولت لروبوت سعادة في البيت كله، عملت الاكل من غيري، وضبت السفرة روقت البيت لوحدها!! تيته كانت مخنوقه واحنا عندها فبعد الغدا جدي طلب كوبايه شاي ولما جابتله الكوباية قالها.. - احلى شويه شاي إنما ايه في الخمسينة... وقعد هزر معها شويه وقامت عملت فشار وجابت سوداني ولا كأنه عيد.. لمجرد سمعت كلمه من جدي اخويا جسمه زايد شويه فبدأ يروح چيم، مجرد اسبوع وقال مش رايح فجأة ابويا لما عرف خلاة قاعد وقاله.. - والله وشك نور يا حودا، الخسسان باين عليك اهو، تصدق بفكر اروح الچيم انا كمان!! نفس اليوم بليل اخويا راح الچيم وخرج مع صاحبه بعدها " رغم انه مخرجش كدة يمكن من ٣ شهور " شوف مجرد كلمه بس بتعدل المايله، بتجبر خاطر وتطبطب على قلوب .. متخيل كلمه ! 💙 ” الكلمه الحلوة مفتاح لجنة ربنا على الأرض “ ❤ جبر الخواطر 
|
 |
|
| قد تكون مهتم بالمواضيع التالية ايضاً |
| الموضوع |
| أنت مفتاح باب السماء ولؤلؤة الأرض |
| ربنا عارف احساسنا من مجرد الكلمه |
| الكلمه الحلوة مش بتتنسي |
| ........ الكلمه الحلوة ........ الاهتمام |
| الكلمه الحلوة |
العرض العادي
