30 - 06 - 2021, 08:12 PM
|
|
|
|
..::| الإدارة العامة |::..
|
|
|
|
|
|
لاحظت من فترة من الناس اللي حوليا
.. ان مش كل الناس حياتها بايظة بنسبة مية في المية ..
يعني كل واحد عنده حتة في حياته بايظة قصادها
في حتة شغالة تمام .
. يعني ممكن تلاقي واحد معاه شغل تمام جدا
لكن حياته العاطفية منيلة بستين نيلة ..
والعكس مع ناس تانية بتبقى عايشة أحلى قصة حب
وبتعاني من مشاكل مادية ..
المشكلة الكبيرة بقى إننا بنركز مع الحتت البايظة دي
.. لحد ماتبوّظ علينا حياتنا كلها وتضيع مننا باقي الحاجات
اللي شغالة تمام ..
وده اللي بيخلي الانسان يكمل ..
انه لسة فيه سبب ولو صغير ممكن يعيش عشانه ..
انه برضو مش كل الصور باظت خلاص .. أو الدنيا ضلمت تمامًا .. لأنها صدقوني مهما ضلمت مابتضلمش كلها .. طول مافيه ربنا في الحكاية ...
بيبقى فيه شباك ولو صغير بيدخل منه نور وأمل لحياتك البايظة دي.
طول ما فيه ربنا يبقى فيه فرص كتير جاية وخير كتير جاي ..
ربنا ينور المطفي اللي ف حياتك ياصديقي
ويعدل اللي باظ منك ويعوضك خير.
|
