منزوع البركة ( 1 )

[walaa farouk]

ده بيسموه في لغة العامة "وش فقر"

تصدق - للأسف- ان فيه ناس كده ؟؟

ناس اغلب أو كل مواضيعها خسرانة ،
و مفيش حاجة بتعملها و تكسب فيها
، و لو كسبت فيها يبقي بطلوع الروح ..

"منزوع البركة" ، ده واحد اتحرم من خير الله ..
فلوسه مفيهاش بركة ، تتعفرت و تتبخر في التوافه ، و لو حتي كسب يكسب معاها "هم و غم" و وجع قلب و قلق و خناقات و خلافات
، و ينام يلم في كوابيسالليل الُمرة ..

نيجي لحوارات لقرارات "منزوع البركة" ،
كلها لا تكسب و لا تكّسب ، و لا توكل و لا تشبع
.. يخسر الناس بكلمة و في لحظة ،
و علشان يحاول يكسبهم يقعد سنين ،
و كل مقترحاته فارغة و لا تتسمع و لا تتفهم و لا تتقبل ..

منزوع البركة زرع شوك في اعماله و كلامه، طرقه لم ترضي ربنا ، كسر وصاياه و لم يكرمه في عمله ..

منزوع البركة برضه ياما أذي ناس بالقول و الفعل، و بدل ما يدعوا له ، دعوا عليه .. و ياما اتشاكل مع شريك حياته و داس عليه و أهمل ولاده و تعبهم ..

منزوع البركة ما عملش الخير لحد ، و لو عمله يبقي متضرر و تحت ضغط المصالح ..

لكن لسه عنده فرصة تانية : لان البركة كتيرة و وفيرة ،
و بتنسكب بغزارة علي رؤوس الاتقياء و في قلوب الانقياء ..

و ساعتها يبقي "موفور البركة " ..