|
 |
 |
 |
|
رقم المشاركة : ( 1 )
03 - 05 - 2021, 12:46 PM
|
|||||||||||
|
|||||||||||
 حوار صحفي مع : توما القصة الكتابية موجودة في إنجيل يوحنا 20 : 24 - 29 يمكن إستخدام هذا الحوار أو الحديث الصحفي لأكثر من هدف: - تعريف الأولاد بشخصية التلميذ توما - مدخل لدرس عن الإيمان - توضيح تعامل الرب يسوع مع المشاعر البشرية المختلفة، هنا الرب يسوع يتعامل مع مشاعر الشك 1- أنت كنت بتمشي مع الرب يسوع؟ كنت بتابعه من بعيد؟ أنا كنت واحد من تلاميذه ال 12 2- إيه معنى أسمك؟ معنى إسمي التوأم 3- هل رأيت الرب يسوع بعد القيامة حين ظهر أول مرة للتلاميذ ؟ لا، أنا ماكنتش مع التلاميذ لما ظهر الرب يسوع للتلاميذ 4- هل التلاميذ قالولك إن الرب يسوع ظهرلهم؟ أيوة، لكن أنا ما صدقتش 5- ماصدقتش ليه؟ عشان كنت مش بصدق غير لما أشوف بعينيّ.. بيقولوا عليّ شكاك بس الحقيقة أنا كنت عايز أتأكد. 6- تتأكد إزاي يعني؟ أنا قلت للتلاميذ: أنا مش هاصدق غير لما أشوف أثر المسامير في الرب يسوع واحط صباعي في جنبه إللي إتطعن 7- وإيه اللي حصل بعد كدة؟ بعد 8 أيام كنا متجمعين كلنا، أنا والتلاميذ.. والرب يسوع دخل وكانت الأبواب مقفولة .. لكنه دخل وبقى وسطينا من غير مايفتح الباب.. وبعدين ناداني وقاللي : يا توما هات صباعك وتعالى شوف إيدي وهات إيدك وحطها في جنبي .. ومتبقاش مش مؤمن ومصدق 8- وأنت عملت إيه؟ أنا قلتله: أنت ربي وإلهي.. أنا صدقت خلاص في قيامة الرب يسوع 9- وبعد كدة؟ .بعد كدة الرب يسوع قال أنت آمنت يا توما لأنك شفتني.. لكن يا بخت إللي آمنوا من غير ما يشوفوا. 10- إحكيلنا عن مشاعرك؟ أنا كنت شاكك ومش متأكد زي عادتي وطلبت دليل وأني أشوف أثار المسامير عشان أصدق لكن الرب يسوع ما لامنيش على مشاعري دي ولا قلل مني. . لكنه إتعامل معايا بحب.. وبجد يا بخت كل واحد يصدق ويآمن من غير ما يشوف 
|
 |
|
العرض العادي
