|
 |
 |
 |
|
رقم المشاركة : ( 1 )
27 - 04 - 2021, 09:02 AM
|
|||||||||||
|
|||||||||||
 زي النهاردة من أكتر من ألفين سنة فهمنا معنى أعمق للعطاء، واتعلمنا مفهوم مُختلف للغنى والفقر في عيون الله. دخل الرب يسوع الهيكل وشاف ناس أغنياء كتير رايحين يحطوا فلوس في المكان المخصصة لكدا، وفي وسط كل دا دخلت واحدة ست فقيرة في هدوء ورهبة واحترام من غير شوشرة ولا لفت نظر وفتحت الكيس بتاعها وحطت فيه كل اللي كانوا حيلتها في الوقت دا..مبلغ صغير جدا، مانعرفش وقتها إزاي عرفت تمشي من غير ما تعول هم اللي جاي ولا هتعمل إيه بعد ما تُخرج من الهيكل لكن الأكيد إنها كانت واثقه إن الله بنفسه هو اللي بيعولها، يمكن حياتها اللي فاتت كانت مليانة خِبرات من النوع دا. ويمكن لا.. لكن الأكيد إنها صدقت إن اللي جاي دا بتاعه، هو بس اللي ضامنه. وبعد المشهد دا قال السيد المسيح لتلاميذه تعرفوا؟ الست دي اعطت اكتر من الكل!!! علشان هي إدت من قلب احتياجها بكل ثقة ومحبة وبساطة وتواضع، وأيوا هي الأغنى بمحبتها وثقتها وتواضعها وعطاء قلبها قبل إيديها. أصلي ليك وليا يكون عطائنا مش مبني على مقدار اللي معانا أو الفايض عن احتياجنا، لكن يكون عطاء عن ثقه في الله اللي شايف وعارف حالتنا وظروفنا مهما كانت. 
|
 |
|
العرض العادي
