إكشف عن عينىَ فأرى عجائب من شريعتك

[بنت معلم الاجيال]

ليس لنا ليس لنا يا رب لكن لإسمك إعط مجداً

"إكشف عن عينىَ فأرى عجائب من شريعتك" (مز11:103 )


"وهو يغيّر الاوقات والازمنة يعزل ملوكا وينصب ملوكا . يعطي الحكماء حكمة ويعلم العارفين فهما" (دا21:2)
"في ذلك الوقت اجاب يسوع وقال احمدك ايها الآب رب السماء والارض لانك اخفيت هذه عن الحكماء والفهماء واعلنتها للاطفال" (متى 25:11)
"بل اختار الله جهال العالم ليخزي الحكماء . واختار الله ضعفاء العالم ليخزي الاقوياء"(كو27:1)
لان حكمة هذا العالم هي جهالة عند الله لانه مكتوب الآخذ الحكماء بمكرهم"(كو19:3)
"ويل للحكماء في اعين انفسهم والفهماء عند ذواتهم" (اش 21:5)
"مبطل آيات المخادعين ومحمق العرافين . مُرجع الحكماء الى الوراء ومجهل معرفتهم" (اش 25:44)
"كيف تقولون نحن حكماء وشريعة الرب معنا . حقا انه الى الكذب حوّلها قلم الكتبة الكاذب. خزي الحكماء ارتاعوا وأخذوا . ها قد رفضوا كلمة الرب فاية حكمة لهم." (ار8:8)
"وبينما هم يزعمون انهم حكماء صاروا جهلاء" (رو22:1)
"مهتمين بعضكم لبعض اهتماما واحدا غير مهتمين بالامور العالية بل منقادين الى المتضعين . لا تكونوا حكماء عند انفسكم" (رو16:12)
"لانه مكتوب سأبيد حكمة الحكماء وارفض فهم الفهماء"(كو19:1)
"لان المسيح لم يرسلني لاعمد بل لابشر . لا بحكمة كلام لئلا يتعطل صليب المسيح (كو17:1)
"لانه اذ كان العالم في حكمة الله لم يعرف الله بالحكمة استحسن الله ان يخلّص المؤمنين بجهالة الكرازة" (كو21:1)
"كي يعطيكم اله ربنا يسوع المسيح ابو المجد روح الحكمة والاعلان في معرفته"(اف 17:1)

أحبائى

الواحد قبل ما بيتضع تحت ايد الله العاليه و ياخد نعمه و يتوب, بيفتكر انه بيفهم كل حاجه و خاصة المواضيع الروحيه. و اذا حد حاول يوصل لنا خبرته الروحيه يبقى وقعته سودا و نبتدى نقول جوانا هو فاكر نفسه مين؟ دا لازم يتضع و نتهمه بالكبرياء. و لكن فى الحقيقه اللى احنا بنبقى فيه دا قمة الكبرياء بدون ما نحس لأن ربنا دا مينفعش ناخده بالعقل. دا لازم احس قد ايه انا صغييييير قوى وقد ايه هو كبيييير قوى, علشان اعرف اتضع و اقوله علمنى و فهمنى . احسبنى كبهيم عندك. انت فاهم كل حاجه و انا مش بعرف اى حاجه فى اى حاجه. ساعدنى افهمك و اتعلمك علشان اعلمك للناس اللى بتدورعليك. و الله عنده علم كتير و فهم و هو بيعطى بسخاء و كمان مش بيعير لكن المهم ان جوايا اشعر :مش بصغر النفس لأن صغر النفس هيخلينى مش عارف اخد اى حاجه من ايد ربنا دايما شاعر انى ما استاهلش . و الحقيقه ان مين فينا يستاهل اى حاجه من عطايا ربنا دى؟ مين يستاهل ان ربنا ياخد مكانه و يموت موته؟ او انه يصيرواحد فى المسيح يسوع او ان كل ما للمسيح يصبح ليه او اننا نرث معاه فى المجد؟ الحقيقه و لا واحد ولا اعظم القديسين. لكن التواضع هو انى مهما الله يجود عليا اعلن لنفسى و لربنا و لغيرى انى ما زلت صغير جدا عن جميع الطافك و الامانه التى صنعتها مع عبدك. هو يرفعنى اه: لكن انا اشعر انى تراب و رماد و مع ذلك اكلم المولى. دا شرف و مجد بيجود بيه ربنا على اولاده الحقيقين. لكن مين يفهم و مين يقَدر. علشان كدا كل اللى حاسس انه فاهم او عارف يقول لربنا انا عاوزك انت اللى تفهمنى انت اللى تكلمنى انت اللى تعلمنى. و صدقنى عمره ما هيتأخر علينا ابدا لأنه فعلا صالح و عاوز يدينا كل شئ بغنى للتمتع خاصة الامور الروحيه دى. هو انت لو عندك ابن هتروح تدى املاكك للجيران و تسيب ابنك يشحت؟ طبعاً لأ. واذا كنا واحنا اشرار بنعرف تعطى اولادنا عطايا جيده فكم بالحرى ابونا السماوى يعطى خيرات (الروح القدس) للذين يسألونه. المهم انك تطلب بكل قلبك و كمان تكون شاعر فعلا بإحتياجك و تخضع لربنا و فكره و ابعد خالص عن فكرك انت و علمك انت و حكمتك انت. و تدى نفسك فرصه تهدى و تسكن قدام الهك لأنه قد ايه رقيق مش ممكن هتعرف تسمع صوته فى وسط دوشة الحياة.(1ملوك 12:19)

لكن احذر من الخطيه لأن روح الله مش هو دا المجال اللى بيعمل فيه. و ساعتها يحزن و ينحصر كدا و تلاقى نفسك شغال بالجسد تخدم بالجسد و توعظ بالجسد و الالعن من كل دا انك تدى نصائح للناس بالجسد وربنا وحده هو اللى يعلم ما هو نتيجة اعمال الجسد. "الروح هو الذي يحيي . اما الجسد فلا يفيد شيئا"(يو63:6) بصوا الحق الالهى هنا بيقول ايه على الانسان قبل التوبه "لانه لما كنا في الجسد كانت اهواء الخطايا التي بالناموس تعمل في اعضائنا (الجسد) لكي نثمر للموت" (رو7:5) يبقى انا لما بسلك بالجسد بنتج موت و برضه الكتاب بيقول "لانه ان عشتم حسب الجسد فستموتون . ولكن ان كنتم بالروح تميتون اعمال الجسد فستحيون .(رو13:8) علشان كدا لازم نكون "حاملين في الجسد كل حين اماتة الرب يسوع لكي تظهر حياة يسوع ايضا في جسدنا" .(كو10:4) يعنى لازم اموت معاه اى يموت الانسان العتيق اللى ما بيبطلش يعوز امور العالم من مجد ارضى و نفخه كدابه و ذات و و و. و احيا بالروح يعنى اعيش فى الامور الروحيه من صلاة و صوم و قراية الكتاب المقدس. و اقمع جسدى و استعبده و اموت انا علشان يحيا هو فيا. واحد بس فينا لازم يعيش لأموت انا علشان يحيا هو فيا لأحيا انا و يموت هو فيا. مش اعمل زى سليمان لما قال "مهما اشتهته عيناى لم امسكها عنهما" (جا 10:2) لكن استفيد من نتيجة اختباره و ما اكونش جاهله و ابتدى من الاول تانى لكن ابتدى من عند النتيجه اللى وصل ليها سليمان الحكيم لما قال "ثم التفت انا الى كل اعمالى التى عملتها يداى و الى التعب الذى تعبته فى عمله فإذا الكل باطل و قبض الريح و لا منفعه تحت الشمس". علشان كدا الكتاب بيقول الجسد لا يفيد شئ. الروح هو النسر و الجسد هو الخنزير. اشَبع النسر علشان يحلق فى سماه و جوَع الخنزير علشان ما ياخدش النسر لتحت و يمرمغه فى التراب. اشبع الروح بربنا و حياة العشره الحقيقيه مع المسيح و جوع الجسد اللى عاوز ياكل و يشرب و يبرطع فى العالم و صدقنى عمره ما هيكتفى ابدا "النفس الشبعانه تدوس العسل (عسل العالم و مغرياته) و للنفس الجائعه كل مُر حلو. لما روحك تجوع تلاقى نفسك بتقبل تاكل من خرنوب الخنازير مع انك ابن الملك و ليك انك تاكل اكل الملوك لكن انت اللى ارتضيت بحياة العبيد و مين يجبرك. دا انت ان ما رجعتش لحضن ابوك من نفسك لا يمكن يفرض نفسه عليك لكن ينتظرك لكى ترجع تانى لعقلك و تتوب و تعرف ان لا يمكن هتلاقى احن عليك من ابوك اللى بذل ابنه الوحيد علشان انت متهلكش بل تكون لك حياة ابديه.

دايس على عسلك يا عالم بإلهى أنا شبعان مُره الميه اللى بتعطيها عمرها ما تروى العطشان
مهما تحاول تغرينى او من مجدك تعطينى انا يسوعى مكفينى و قلبى بحبه مليان
انا نفسى ابيه و فرحانه بإبن الانسان بدمه اشترانى و خلانى ملك و سلطان
لا فلوسك و لا دهبك و الا حتى كنوز الدنيا كمان
مش راح اقبلها لو كانت على عرشك راح بتملكنى زمان
مهما بتتزين بعيونى بتبقى عريان واذا فكرك إسجد قدامك انت غلطان
ولعلمك انا ما بسجد انا و ركبى بتركع مهما ان كان
انا قلبى اغتنى يوم اللى انحنى قدام اللى بيغنى الاكوان

الرب يبارك حياتكم. صلوا من اجلى.