|
 |
 |
 |
|
رقم المشاركة : ( 1 )
01 - 04 - 2021, 09:16 PM
|
|||||||||||
|
|||||||||||
 ست مستحملة جوزها الصعب العصبي ووخده كل حاجة بضحك وهزار ..جت صحبتها قضت معاها يوم ، قالتلها : الله يعينك انا عمري ما استحمل الطريقة والاسلوب دة .. انا لو مكانك منكتش استحملت !! ومن ساعتها حست انها قليلة و مفروض يكون ليها واقفة وموقف وحياتها بقت نكد 24 ساعة لا عارفة ترجع تهزر وتضحك ولا عارفة تسيبه ... واحد سأل صاحبه بتشتغل كام ساعة في اليوم .. قاله يعني 10 ساعات 12 ساعة مش اقل من كدة . .. يااا انا لو مكانك مكنتش استحملت !! مبقاش طايق نفسه ولا شغله و حاسس انه مطحون من غير لازمه واتخنق وقصر في شغله لحد ما سابه !!! بنت كانت عايشة مع باباها لوحدهم بتخدمه وواخدة نية البر ، دخلت جارتها قالتلها يابنتي فكري في نفسك شوية انتي عمرك بيجري .. دة انا لو مكانك مكنتش استحملت !! الكلمتين فضلو يرنو في ودانها وابتدت المشاكل بينها وبين باباها لحد ما تعب واتوفي وحست بالذنب بقيت عمرها . عشان توصل الجامعة بتركب تلت واربع مواصلات ، وبتنزل من النجمة وترجع بليل كانت فرحانة و الموضوع مش فارق معاها لحد ما سمعت ... علي ايه ده كله ده احنا لو مكانك مكناش استحملنا !! لو_مكانك_مكنتش_استحملت الجملة دي مش مدح ولا شكر في قدراتهم الجملة دي بتوجع مش بتواسي .. الجملة دي بتخلينا ناخد بالنا اننا مفروض منستحملش الجملة بتحسسنا بإننا أقل من اللي حوالينا ناس كتير بتبقي متعايشة مع حالها وراضية وتيجي كلمة تدمرها ، لو مش بايدك حاجة تعملها عشان تخفف عنهم متحطش صوباعك علي الجرح وتضغط لحد ما يجيب دم . عايزين تشيلو عنهم بجد .. اضحكو في وشهم اجبروا بخاطرهم صلولهم 🙏 اكدلهم ان هم ناس جميلة و ربنا هيعو ضهم خير علي تعبهم 💙 دوروا علي حاجة حلوة في حياتهم وركزو عليها وكلموهم عنها . "ملحوظة : انت لو مكانه مكنتش استحملت ... وهو كمان اكيد لو مكانك اكيد في حاجة في حياتك مكنش استحملها خراب القلوب وقهر النفوس .....الكلام اللين يصرف الغضب....................🙏 
|
 |
|
| قد تكون مهتم بالمواضيع التالية ايضاً |
| الموضوع |
| هيفرحك علشان انت استحملت كتير |
| شكرا للكنيسة الى استحملت لغبطى |
| ربك هو الوحيد اللي عارف انت استحملت قد إيه |
| ماكنتش استحملت قسوة التجربة |
| يا صاحب المزود مكانك مش هنا مكانك جوه قلبي تملاه بالهنا |
العرض العادي
