الصق من الاخ

[walaa farouk]

فضلت وقت كبير أدور على علاقة أشعر فيها بالأمان
. أم تكون بتعرف تسمع . صديقة تكون أمينة على أسرارى
. واحدة تكون بتعرف تسمع و ترشد
. لكن مكنش سهل أبدا بالنسبة لى الأقى شخصية فيها الصفات دى .
يمكن علشان ده إحتياج عند ناس كتير مش متسدد
و بالتالى مش عارفين يكونوا هما الشخصية المريحة دى .
لكن فى رحلة البحث دى
أكتشفت أن الشخص الوحيد اللى يقدر يسدد إحتياجى هو الله
. لأنه اولاهو الكامل ثانيا هو اللى خالقنى و عارف كل إحتياجاتى
. عارف مشاعرى سواء الحزينة و المجروحة أو الفرحانة و المبسوطة . عارف حيرتى و تساؤلاتى اللى مش لاقية إجابة عليها كمان مكتوب عنه فى (سفر الأمثال 18: 24) اَلْمُكْثِرُ الأَصْحَابِ يُخْرِبُ نَفْسَهُ،
وَلكِنْ يُوجَدْ مُحِبٌّ أَلْزَقُ مِنَ الأَخِ.