|
 |
 |
 |
|
رقم المشاركة : ( 1 )
05 - 03 - 2021, 07:08 AM
|
|||||||||||
|
|||||||||||
 في سفر طوبيا .. وفي الاصحاح التالت .. الكتاب المقدس بيحكيلنا حكاية اتنين .. راجل وبنت .. الأولاني طوبيا الأب اللي كان انسان بار ومخلص ل ربنا لكنه اتعرض لتجربه صعبه ومبقاش بيشوف .. والبنت هي ساره اللي برضه كانت عايشه حياتها ف مخافة ربنا لكنها اتعرضت لتجربة صعبه وكانت كل ما تتجوز عريسها يموت ف يوم الفرح لحد ما كل الناس عايرتها .. الاتنين مكنوش يعرفوا بعض . . وكان كل حد فيهم ف مكان .. لكنهم رفعوا ايديهم للسما ف وقت واحد وبكوا لربنا وطلبوا معونته ورحمته .. وساعتها الكتاب المقدس بيقول .. فِي ذلِكَ الْحِينِ اسْتُجِيبَتْ صَلَوَاتُ الاِثْنَيْنِ أَمَامَ مَجْدِ اللهِ الْعَلِيِّ 🙏 يعني ف الوقت ده ربنا سمع لصلاتهم واستجاب .. لكن ياتري الراجل خف ف وقتها وساره مشكلتها اتحلت ف نفس اللحظه ؟! .. المفاجأه ان ده محصلش .. طيب ازاي ده ربنا استجاب ليهم خلاص ؟! .. ايوه فعلآ .. بس علشان كل الظروف تترتب وخطة ربنا تكمل ف حياتهم لازم الموضوع ياخد شوية وقت .. وده اللي حصل فعلآ .. طوبيا الأب افتكر انه ليه فلوس عند واحد صاحبه .. بعت ابنه اللي كان برضه اسمه طوبيا علشان يجيبله الفلوس .. ربنا بعت الملاك رافائيل علشان يساعد طوبيا الابن ف السفر واتنكر ف هيئة انسان .. لما وصلوا قابل ساره وحبها .. واتجوزها .. وبعد رحله طويله رجع تاني لحضن ابوه و ابوه رجعله نظره واتشفي من العمي .. وعرف ان الراجل الأمين اللي سافر معاه كان ملاك ربنا بعته علشان يساعده ويسنده .. صلاتك اللي انت صليتها زمان ربنا سمعها .. والحاجه اللي نفسك فيها هتتحقق .. ربنا خلاص استجاب لطلبك .. والمعجزه اللي انت مستنيها تحصل ف حياتك هتحصل .. كل الحكايه شوية وقت .. شوية وقت لحد ما ربنا يكمل خطته معاك ويربط التفاصيل ببعضها زي ما هو عايز وشايف .. استجابة ربنا ليك مش معناها انه لازم يعملك اللي انت عايزه دلوقتي .. هو استجاب لكن بحكمته ومشيئته بيختار الوقت المناسب والطريقه المناسبه .. متستعجلش واصبر للنهايات واطمن .. خلاص استجاب ❤️ 
|
 |
|
| قد تكون مهتم بالمواضيع التالية ايضاً |
| الموضوع |
| خلاص استجاب بطريقته وهيفرح قلبك قريب |
| استجاب وبيستجيب وهيستجيب |
| استجاب لي من جبل قدسه |
| قريبا ستقول استجاب |
| استجاب لي |
العرض العادي
