|
 |
 |
 |
|
رقم المشاركة : ( 1 )
22 - 02 - 2021, 07:03 AM
|
|||||||||||
|
|||||||||||
 شخصية يونان النبى معنى اسمه حمامة من الشخصيات المشهورة لكن دايما لما نذكر اسم يونان نلاقي الكل وجه أصابع الاتهام الهارب - مش سامع كلام ربنا - ازاي نبي ومش راضي ينفذ كلام ربنا - عنيد لكن تعالوا نتأمل في شخصية يونان بنظره مجردة من الإدانة 1- يونان المحبوب برغم كل ضعفاته لكن محبوب لدى الله وأصر انه يغير فكرته وفي كل تعاملات الله في سفر يونان كانت بتعبر عن محبة الله ليونان كان ممكن الله يرسل نبي غيره لنينوي ويقول بالمنطق اللي احنا بنفكر فيه في الحالات دي "الخدمة ما تقفش على حد" لكن الله أحب يونان وعايزه هو اللي يأدي الرسالة وسبب محبة الله ليونان ان هو الوحيد اللي أئتمنه لأول رسالة للأمم وربنا كان عايز يعلم يونان التسامح لأنه من صغره ساكن في تل حافر وسكان نينوى كانوا يسطو على البلاد المجاورة وكان بيشوهوا كل اللي يقع في إيديهم من قطع الأذن والأنف والأصابع 2- يونان المبشر بأعماله يونان أصبح مبشر بأعماله مش بكلامه في السفينة لما هاجت الرياح كل النوتية تأكدوا أن إله غاضب علشان كده كل واحد صرخ لألهه ولما طلبوا يونان يصحى وحكى لهم عن الرب إله السموات والأرض آمنوا به تخيلوا معاي لو يونان راح لنينوى في الأول وبشر كان هيكون زي نوح ولوط لكن لما يحكيلهم عن اللي حصل معاه وشايفين واحد طالع من بطن الحوت حي كرازة أعمال مش كلام بس 3- يونان الرمز لما اليهود طلبوا من السيد المسيح له المجد آية قال لا يعطي هذا الجيل آية إلا آية يونان النبي علشان كده لازم نغير فكرتنا عن يونان لما يذكر اسم يونان افتكر السيد المسيح في القبر ثلاث أيام وثلاث ليالي تعالوا نطبق اللي اتعلمناه 1- في فترة حرارتك الروحية جاهد انك تدخر فضائل وأعمال حسنة هتنفعك في وقت فتورك الروحي وهتكون ليك خزين محبة مع ربنا يخلصك من أيام الشر 2- حافظ على أمانتك وأعمالك لأن الرب ما قالش جولوا العالم وبشروا باسمي بس لكن قال " يروا أعمالكم الحسنة فيمجدوا أباكم الذي في السموات" كن قدوة للناس بأعمالكم وده هو عمل المبشر 3- غير فكرتك عن الناس دايما انظر للجانب الإيجابي للناس حتى ولو كل الناس أجمعوا على الانسان ده شرير اكيد فيه شيء إيجابي تقدر تمدحه عليه يمكن الانسان ده محتاج كلمة تشجيع ومديح وتقدر تنقذه من نفسه ومن غيره 
|
 |
|
العرض العادي
