|
 |
 |
 |
|
رقم المشاركة : ( 1 )
22 - 01 - 2021, 03:53 PM
|
|||||||||||
|
|||||||||||
 المؤذي.. شخص موجود في كل مكان و زمان .. راحته و متعته في أذية الناس ، و يتفنن في توقيع الضرر بكل واحد و بأي واحد .. تركيبة عقله "السوفت وير " شر و مر .. المشكلة كمان انه قدر يبرمج ضميره علشان ما ينقحش عليه و يفوقه من أذاه للناس ، و بيقول لنفسه حق يراد به باطل انه كده بيعمل الصح .. المؤذي ناقم علي غيره ، مش بس علي اللي احسن منه ، حتي اللي زيه و اقل منه .. يموت لو شاف حد افضل منه أو عنده حاجة مش عنده .. يحسد اليتيم علي اكلة، و يحقد علي الناجح لأنه مش قادر يبقي زيه .. في نظره كل حد يستاهل الانتقام ، الكبير و الصغير ، الغني و الفقير، الناجح و الفاشل.. المؤذي عقربة رافعة ديلها و الإبرة اللي فيها السم جاهزة علشان تلدغ اللي يعدي .. ما بينامش كويس إلا لما يشوف حد موجوع و مجروح .. جايز المؤذي اتأذي زمان ، بس بدل ما يسامح و يتشفي من المرار ، اتحول الي آلة تدمير عاوزة تنتقم من كل الناس بالذات الناجحين .. المؤذي فرعون اللي عذب موسي و شعب الله و ذلهم سنين و سنين و في الاخر طردهم و طاردهم تاني علشان يقتلهم، و هامان اللي حب يبيد شعب الله كله لان مردخاي البسيط رفض يسجد له ، و شاول اللي طارد دواد سنين و حاول يقتله علشان سمع أغنية لحنها له الشعب انه قتل جليات ، و دواغ الادومي إللي بلغ عن داود الهارب الي مدينة الكهنة و اكمل شره بأنه قتل منهم ٨٥ كاهن .. و الحل في ٣ كلمات .. الحب ليه رغم شره لتحمي قلبك من المرار و تشهد له بحب الله فيك ، و تشهد عليه يوم الدين أمام الله انك حبيته و صفحت عنه و سلمت قضيته للخالق .. بالحماية الهية منه بالصلاة اللي تكسر شره و تبطل مشورته .. و بالعدالة الهية اللي تشربه من نفس كاس الاذي اللي سبق و دوق الأبرياء منه : فرعون غرق و شاول الملك انتحر و هامان اتعلق علي نفس الصليب اللي عمله لهامان د مجدي إسحق 
|
 |
|
| قد تكون مهتم بالمواضيع التالية ايضاً |
| الموضوع |
| كان بلعام مشهورًا بفنونه السحريّة ليس له مثال في سحره المؤذي |
| دا صوت الشيطان المؤذي |
| لا تعتزِل ما يؤذيك قبلَ أن تفهَم رسالة ذلك المؤذي |
| الحزن المؤذي للنفس |
العرض العادي
