|
 |
 |
 |
|
رقم المشاركة : ( 1 )
15 - 01 - 2021, 08:29 PM
|
|||||||||||
|
|||||||||||
 ليه اللحمة مشغتة ؟؟ المثل الشعبي العبقري بيقول :" ليه اللحمة مشغتة (مليانة شغت - يعني لحمة رديئة لا تؤكل) ؟؟ اصل الجزار قريبنا " !! اشارة الي أن الاذي و الخداع بييجي اكتر حاجة من القرايب و الحبايب و المعارف!! و علي رأي المثل الشهير "علمته الرماية فلما اشتد ساعده رماني" !! المثل اكيد لا ينطبق علي الكل ، لأن فيه حبايب اكتر من ممتازين.. لكنه بيعبر ببراعة عن الواقع المؤلم !! اكتر واحد اذي داود النبي ابنه ابشالوم اللي قسم المملكة و بقي عدوه ، و معاه مستشاره الشخصي اخيتوفل اللي انضم لابشالوم و بقي يشير عليه بأذي داود ، أبوه !! كمان اكتر واحد تعب ابراهيم ابو الآباء ابن اخيه لوط، اللي رباه و كبره، و لما بقي صاحب املاك (من خير عمه ابراهيم ) اختلف معاه ، و اضطر ابراهيم علشان الخلاف ما يزيدش يقوله خد اللي يكفيك و اختار المكان اللي يعجبك يعجبك و انفصل عني .. قصة تاني عن شمشون اتكررت مرتين ، أن المرأة اللي يحبها (واحدة منهم اسمها دليلة) هي اللي تكشف سره للاعداء و اتسببت في القبض عليه و خلع عينيه و سجنه ثم موته .. كمان القصة الأشهر عن يهوذا تلميذ المسيح اللي خانه و باعه بالفضة و سلمه للموت .. الدروس : ١-حب الناس و ثق فيهم بس علشان ما تتصدمش في حد ، حرّص و لا تخونش .. ٢-الثقة في الناس نعمة ، و الحرص و الاحتراس حكمة .. ٣-اوعي تخيب ظن حبايبك فيك .. اخدم الكل و احرص بالذات علي خدمة الأصدقاء و الاحباء و الأقرباء علشان لو اتصدموا فيك مش ح تعرف تعوضهم "اَلصَّدِيقُ يُحِبُّ فِي كُلِّ وَقْتٍ، أَمَّا الأَخُ فَلِلشِّدَّةِ يُولَدُ. (الأمثال ١٧: ١٧) 
|
 |
|
| قد تكون مهتم بالمواضيع التالية ايضاً |
| الموضوع |
| ربنا قالها لشعبة |
| حدث في تلك الليلة |
| هذه الليلة ... |
| متظاهرو المحلة الكبرى يرشقون مجلس المدينة بالحجارة مرددين المحلة قالت كلمتها المحلة مع التحرير |
| عاجل من المحلة الان ومحاصرة مجلس مدينة المحلة الكبرى |
العرض العادي
