|
 |
 |
 |
|
رقم المشاركة : ( 1 )
12 - 01 - 2021, 01:50 PM
|
|||||||||||
|
|||||||||||
 كنت عارف ان فيه ناس سوء ، لكن ما كنتش عارف ان سواد قلبهم وصل للدرجة دي !! ناس مش بس بيتمنوا لك الفشل ، ده المرض يركبهم لو حسوا أن فيه و لو احتمال تبقي ناجح أو مبسوط !! مش مصدق ان الدنيا فيها النوعية دي من البشر ، بياكلوا شر و يشربوا ظلم و ظلمة .. كنت فاكر ان قايين اللي ذبح اخوه (راجع تكوين ٤ و ١ يوحنا ٣) كان واحد بس ، طلع موجود منه كتير و بوفرة ، بس بدل ما بيدبحك مرة ، بيدبحك كل يوم بحقده و غله و لسانه و تشهيره و اغتيابه و رغبته انه يفضحك و يقتل سمعتك و يتمني لك الشر .. كنت برضه فاكر ان اخوة يوسف دول استثناء في التاريخ ، طلعوا موجودين لغاية دلوقتي .. يستبيحوا سيرتك و يخططوا لأذيتك ، و يبيعوك لأول واحد بيكرهك، و يرجعوا يتباكوا عليك و يقولوا "خسارة" ، "وحش رديء اكله" (راجع تكوين ٣٧) ، و اتاري أخلاقهم أسوأ من كل وَحش !! و كنت فاكر ان "دواغ الادومي " كان حادثة عارضة لا تتكرر ، اللي بلغ شاول ان داود مستخبي في مدينة الكهنة ، و لما هرب ، قتل ٨٥ كاهن انتقاما منهم .. اتاري دواغ الحقود الشرير موجود حوالينا، يتمني لك الشر و يدور لك علي اقرب فخ ، و ينتقم كمان من اللي بيحبوك .. لكن الحل لكل الشر ده في ٣ كلمات .. حماية الله : اللي يظلل عليك و حواليك و يبطل مشورة الأشرار و يبعدهم شرهم عنك .. قدرة الله : اللي يحول شرهم لخيرك و يخللي حسدهم و كيدهم يخدم نجاحك و حياتك اكتر مما تتخيل .. و عدل الله اللي يخللي شرهم يرتد الي نحورهم ؛ و اللي دوقك رشفة من كأس المرار ح تلف الايام و يشربه كله .. 
|
 |
|
| قد تكون مهتم بالمواضيع التالية ايضاً |
| الموضوع |
| إن كنتَ مزمارًا، إن كنتَ قيثارة، لماذا أنت صامت لا تُمَجِّد الله |
| ما كنتش أعرف. |
| ماذا كنتَ ستفعل لو كنتَ واقفا عند الصليب |
| ما كنتُ أعرف |
| إذا كنتَ ؟ !!!!! |
العرض العادي
