|
 |
 |
 |
|
رقم المشاركة : ( 1 )
27 - 12 - 2020, 05:56 PM
|
|||||||||||
|
|||||||||||
 + المشاعر هي مجموعة من الاحاسيس النفسيه... زي ما جسمنا بيشعر بالبرد او الحراره نفسيتنا بتشعر بالحب او الخوف او القلق او السعاده + جسمنا بيحس من خلال اعصاب زي الاعصاب المسؤول عن اللمس.. كمان عقلنا بيستقبل الواقع و الأحداث و العلاقات و بيحولها لمشاعر + احنا مش بنقدر نمنع المشاعر... فلما جسمنا يتعرض للحراره طبيعي انه يشعر بيها و لو مش بيشعر بيها ممكن يحصله حروق و هو مش عارف + المشاعر ليها علاقه مباشرة بالافكار و تفسيرنا للواقع اللي بنعيشه فلو افكاري غلط و نظرتني للواقع غير سليمه هعيش مع مشاعر غير حقيقيه + المشاعر النفسيه بنقدر نتحكم فيها و نعدلها لما بنغير افكارنا... فممكن الخوف من الارتباط احوله الي الرغبه في الارتباط لو قدرنا نغير الفكره اللي سببت الخوف + المشكله لما افكارنا و مشاعرنا بيتلخبطوا علي بعض و مش بنقدر نعبر عن المشاعر بشكل سليم مثلا - انا حاسس ان فلان مش بيقبلني - انا حاسس اني فاشل - انا حاسس اني اقل من الناس في الحقيقه ان الفشل و النجاح فكره مش مشاعر بينتج عنها حزن و قلق و خوف + اقبل المشاعر و عبر عنها و دور علي الافكار اللي سببت المشاعر عشان تقدر تحكم علي مشاعرك... مثلا انا بحب البنت دي جدا... ليه بتحبها ؟ عشان شكلها حلو! ده مش حب ده انجذاب جسدي + احنا عندنا مجموعة من الافكار التلقائية اللي بنفسر بيها الاحداث من غير ما نراجع علي افكارنا فالمشاعر مش بتنشا من الأحداث لكن من تفسيرنا للاحداث - انا كررت الخطأ مره تانيه - انا هفضل كده علي طول (الافكار التلقائية) - شعور باليأس - كلمت صحبتي و مش بترد علي التليفون - هي مش عيزه ترد عشان مش بتحبني (الافكار التلقائية) - شعور بالحزن + المشاعر لو مبنيه علي افكار غلط هتدفعنا لسلوك غلط... فممكن شخص يخسر صديقه لانه مش بيرد علي الموبيل او شخص يتجوز بنت لانها جميله فقط 
|
 |
|
| قد تكون مهتم بالمواضيع التالية ايضاً |
| الموضوع |
| ما تبرر غلطك بنياتك السليمه |
| الله يجبر جريح المشاعر ولا يقبل بجرح المشاعر |
| تغذية الطفل الرضيع تغذية الطفل التغذيه السليمه - طريقة عمل اكثر من 10 شوربة صحية للاطفال |
| التغذيه السليمه |
| عوده الى القيم السليمه |
العرض العادي
