|
 |
 |
 |
|
رقم المشاركة : ( 1 )
16 - 12 - 2020, 05:19 PM
|
|||||||||||
|
|||||||||||
|
قوة الروح المتنيح القديس الأنبا ميخائيل  قوة الروح في ضراعه و انسحاق امام نعمك الغزيرة التى تسكبها يا مسيحنا و الهنا على شعبك لتملا قلوبنا من تعزيات روح قدسك فلهذا دائما نرفع قلوبنا اليك شاكرة حبك و سائله دوام رعايتك لشعبك الى الابد امين. نحن المسيحيين نؤمن باله واحد مالئ كل مكان و غير محدود يدير الكون اله واحد نؤمن به و هو موجود بذاته حيا بروحه اى ان الهنا له حياه قائمة و دائمه نؤمن باله واحد حى بروحه ناطق بكلمته . الله بعدما كلم الاباء بالانبياء قديما كلمنا اخيرا فى ابنه . الله ظهر فى الجسد مسيحنا القدوس تمشى فيما بيننا و هو اعلن بنفسه الكلمه الالهيه . الله موجود بذاته حى بروحه ناطق بكلمته اعطانا الحياة حياتنا ليست هى فقط حياة الجسد ياكل و يشرب و يمشى و يتنفس ، الحيوان بياكل و يشرب و يتنفس تنتهى حياة الانس تنتهى حياة الحيوان هنا فى حاجه يتميز بها الانسان حياته ليست مثل حياة الحيوان انتهت نفسه فى دمه و خلص لا روحه تبقى و تدوم و تنطلق الى السموات الجسد من تراب و الى التراب يعود الانسان بنفسه بروحه الانسانيه بعقله المنحه السماويه قاصر جدا عن ان يعرف التدبيرات الالهيه عقله محدود فين الله ؟ اين هو ؟ عايز يشوفه عايزيلمسه عايز يحسه الله ظهر فى الجسد كلمنا بما كلم به قديما لكن فى حدودا محدوده كان الشعب قديما لما يتكلم ربنا على لسان نبى من الانبياء او بحدودا معينه بيكلم موسي او يكلم الشعب فى البريه و الجبل يضطرم نارا و كله و هما بيحسوا بوجود الله يرتعبوا لا لا كلمنا انت يا موسي احنا مش قادرين نسمع الصوت الالهى ده قوى الله فى عطفه حنانه لبس الجسد يتقرب منا الكلام الالهى و روح الله عندما يحدثك ليس كما يتحدث الانسان من ذاته كلمه الهيه قادره اليك تحس بقوتها ليس عقلك المحدود اللى بيقول فين ربنا انا مشوفتوش مين شافه ؟ هنا عمل الروح القدس الذى يهز كيانك و كل ما فيك و يشعرك بوجود الله بيحركك و انت انسان مؤمن بتصلى و بحرارة و تنسكب امامه تحس حينئذا ان روح الله حاضر بداخلك بيحرك اعماقك و يستجيب لك يقول صمويل صمويل يجرى صمويل لمعلمه فى الهيكل صمويل ولد صغير امه رزقت به بعد صلوات كثيرة و طلبات متواصله ذهبت الى الهيكل و وقفت امامه باكيه و قلبها من داخلها يحترق و يذوب فى طلبه ملحه ان يزقها الله نسلا العهد القديم كل واحد منتظر النسل يقول يمكن يجى من السلسله دى المسيح المسيح لما يجى منها شرف لينا كلنا و بركة المخلص الاتى و كان فى الوقت نفسه العاقر بتعير منبوذه لان السماء قد اوصدت ابوابها لا تسمع لها و بالتالى اوصدت احشائها لكى لا تحبل ولا تلد ايضا فحنا ام صموئيل اطالت الوقفه يجيلها عالى الكاهن مالك كده انتى واقفه قصاد الرب ياك انتى سكرى سكرانه تقوله لا بنتك مش بنت بلليعال ماهياش بنت شيطان انا مره النفس انا بطلب الراجل يسمع كده بهدوء و يدعو لها ايضا تيجى الايام و السنه و يجيلها الولد قالت دا عاريه دى سلفه ده مش بتاعى دا انا ربنا اداهونى لازم اعيده للمكان اللى انا صليت فيه و طلبت منه ان الرب يعطينى رزقنى و اعطانى يبقى بالتالي منه و اليه و ده بركة و نعمه لما واحد ربنا يديله ابن في الكهنوت كان زمان يتهربوا اعتقد ان النهارده الناس استناروا وجدوا مركز الكهنه مركز ادبى مركز اجتماعى مركز روحانى كل ما فيه يشرف يتشرفوا نفرح و الكنيسه تفرح برسامه الكهنه و بحلول روح الله القدوس يمسح هذا الانسان كاهنا و لما تييجى بنت مستنيرة و تروح الدير للتكريس للرهبنه لخدمة المسيح فى عائلات تفرح وتقول ده يبقى بركة نذر و قدمناه الانسانه قدمت نذرها للاله يبقى نشجعها البعض يقول لا لا لا مانروحش ليه طب ما احنا بنشوف اللي بيحصل العار الذى يحصل فيما بيننا يقال هذه البنت اتخرجت من الجامعه و بعد شويه حصل ايه لا المسيح فى قلبها ولا تعرفه و لا يهمها اسرتها و لا ناسها ولا مجتمعها اللى ربوها و اللى ارضعوها و اللى صرفوا عليها لغايه ما اتخرجت ليه ؟ اغواها الشيطان جردها من نعمه الروح القدس مفيش تبكيت معتقدش ان هذا وليد لحظه لو ان الاسره بتغذى التغذيه الكامله و المتواصله باستمرار فى البيت فى صلاه فى كتاب مقدس فى حياة مرنمه فى من الداخل اب و ام بينهم سلام فى ايدى مرفوعه و مبسوطه للخالق ضارعيين فى ركب ساجده و منحنيه كانت الطفله الصغيره تكبر و تكبر و تكبر و تتاصل و تتثبت و تبقى شجرة ثابته على مجارى المياة لا عواصف و لا ده مرتويه باستمرار فالاسر لازم تحرص على وجود المسيح متمثلا فى الكنيسه فى البيت فى التصرفات كلها الام الطيبه اللى الرب استجاب لطلبتها و تضرعاتها و اعطاها صموئيل اللى سالته من الرب و استجاب لها قالت اوديه الهيكل كده طفل صغير و راح لمين كاهن الهيكل عالى ده خدامك ابنك الصغير ترعاه فى الهيكل يتعلم الشريعه يجى مدارس التربيه الكنسيه ييجى هناك يتعرف على ابونا يقوله انا غلطت النهارده يديله نصيحه يضع يده على راسه يرسمه بعلامه الصليب ماتغلطش تانى و اقرا ايه احفظ الايه دى واظب على الكنيسه اوعى تزعل بابا اوعى تزعل ماما خليك مطيع من الناحيتين ايها الاباء لا تغيظوا اولادكم ماتغظوهمش يعنى تربيه سليمه و انتوا الابناء اطيعوا والديكم فى الرب كل ما هو حسن كل ما هو طيب تعتقد ان الوالدين الاتقياء هيعلموهم اياه انا جبتلك صموئيل هنا ده ابنك خدامك صموئيل كده شويه كبر شويه و بعدين سمع صموئيل صموئيل يجرى يبص من عز النوم يجرى لمين ؟ يجرى لعالى الكاهن نعم يا ابى نعم قال لا لا مالك ؟ روح نام يا ابنى انا مطلبتكش و التانيه الله حصل تانى الصوت صموئيل صموئيل شو فوا روح الله لما يعمل روح الله يجوا الناس ايه يقولوا للمسيح شوف الناس دول نازليين يهتفوا لك و يقولوا اوصنا اوصنا خلصنا خلصنا مبارك الاتى باسم الرب ماتسكتهم يا يسوع الهيصه دى مش عاجبانا سكتهم تلاميذك مالهم ؟ هتاف بركة هتاف معزى هتاف مقوى بيطلبوا الخلاص بيطلبوا رؤيه الرب بيطلبوا الملكوت فرحانين بالمسيح لا سكتهم قال ان سكت هؤلاء نطقت الحجارة هتسكتوهم يقولوا دا احنا متعلمين احنا ولاد ابراهيم دا احنا من نسل ابراهيم اب الاباء قال لا الافتخار ده لازم يكون عامل النهارده مش افتخار بس على الماشى عملى ازاى يكون الله قادر ان يقيم من الحجارة اولادا لابراهيم يعنى لو رسيت عليكم انتوا بهذا التفكير لا لا الغنى ربنا ولاد ابراهيم يكونوا زى ابراهيم يتعلموا مستنيريين بالنعمه اخلاقهم تصرفاتهم مريحه يقول لانك هيات من افواه الاطفال و الرضع هيات تسبيحا الله بيخلى الصغيرين يسبحوا الطبيعه كلها بتسبح كل شيئ وجد لاجل تمجيد الله الفلك الكواكب كل حاجه و احنا لما نكون نشكرك يارب ارادتك صالحه لينا يجى تانى مره صموئيل صمويل صمويل يروحله برضه فى الطباع و انكسار مايقولش صمويل ما انا سايبه المرة الماضيه قالى لا روح نام و خلاص ايه ماله الراجل ده قبل ما اضع راسي يروحله تانى نعم يا ابى اه تنبه عالى ان هذا ليس بصوت انسان ده صوت روح الله اللى بيتكلم اللى بيحرك هذا الغلام يقوله اسمع لما جاله تانى مره قاله اقولك يا ولدى لو سمعت الصوت تانى تقوله تكلم يارب فان عبدك سامع ياااه تعليم مريح توجيه صحيح كيف يقوله كده ؟ ايوه الواد الصغير يقوله تكلم يارب لان عبدك سامع لقاء بين السماء و الارض السماء فى الروح العالى الروح القدوس و ده الولد الصغير لا ماتحتقروش الاولاد الصغيريين لا نهمل فى تربيتهم يجب ان يهتم بيهم اهتماما بالغا اهتماما لئلا ياتى يوم نقول الاباء اكلوا الحصرم ماشى بعدوا و بعدين و قعوا فيها الصغيريين بالتسلسل و اسنان الابناء و اضراسهم اسنانهم دكها كلوا حصرم تعاليم سيئه يقشعروا مما وصلوا اليه يعنى انحراف بالكامل تكلم يا رب فان عبدك سامع ياريت نقول نبدا من جديد كبرنا عجزنا و شخنا نقدر نقول نبدا من جديد زى الطفل صمويل ايوه نقدر زى التلاميذ اتشاحنوا فيما بينهم و قعدوا يتشالوا و يتهبدوا و يقولوا ايه اللى حصل ايه اللى جري ااه عايزين يشوفوا مين الكبير اللى فيهم و مين الاول اللى فيهم و ده يقول انا جيت من المسيح قبلك و ده يقول تعرف تتكلم زيى انا شجاع و التانى انا الحبيب ليكن كل واحد عايز يكون فيه ميزه تقدمه عن الاخر و يكون هو الاول يسوع ماتركهمش فى محبه و فى عطف عملهم درس عملى جاب ولد صغير ووقفه وسطيهم و قالهم ان لم تعودوا و ترجعوا و تصيروا مثل الاولاد مثل الصغار ان لم تعودوا و ترجعوا فلن تدخلوا ملكوت السموات لا ماتدخلوش اهم دول لمثل هؤلاء ملكوت السموات من اعثر احد هؤلاء الصغار خير له احسنله ان يعلق فى عنقه فى رقبته حجر الرحى حجر كبير خالص لما يربطوه فيه و يرموه فى الترعه فى البحر فى الميه عمره ما هيقوم تانى اللى يعثر دول الصغيرين بتصرفاته باقواله افضله انه يغرق قبل ما يعثرهم ليه ؟ لان هذه العثرة هتقفل باب السماء قدامه قال خير له من انه يعمل العثرة ديه انه يروح يغرق فى البحر و افضله من انه يعيش يعنى دى مسئوليه خطيره علينا مسؤليه صعبه الكبرياء ماتنفعناش و النفخه الكدابه ماتنفعناش و ياريت نرجع و نكون ايه ؟ نرجع و نكون مثل الصغيرين صحيح الجسم الشائخ ده و الذى تهدم مع الزمن و الايام لا يمكن ان يعود تانى ده الى انحلال دا بولس بيقول ايه وقت انحلالى قد حضر خلاص انا كبرت انا عجزت الان اسكب سكيبا زى شويه زيت بتكبهم مايه بتكبها خلاص انتهى وقت انحلالى قد حضر اومال نرجع ازاى ؟ بالبراءه بالصدق عدم الخبث عدم الرياء الوداعه الحقيقيه مش اصطناع و افتعال التواضع او الكلمات الزائفه او الفكر كده اللى احنا نحرفه او السؤال يجى الجواب كده يلف و يدور يخرج من مطب من مشكله يقعد يلف و يدور الاطفال الصغيريين بيتعلموا الكذب ان لم يكن من المنزل من اقرناء السوء فى قرناء للسوء فى اصحاب فى اصدقاء طب نعمل ايه ؟ البيت يتمم يشوف ايه التصرف الغريب اللي حصل فى الولد ده ايه التصرف الغير العادى اللى حصل فى الولد ده فى البنت دى ؟ يلقوا فى تصرفات كثيره ما هى المؤثرات المدرسه الشارع الحاجات المرئيه الصور اللى بنشوفها سواء مكتوبه او مقروئه او مرئيه لا اذا كنا احنا مانراعيش الصغيرين دا حتى الكبار بيتعثروا ايضا من هذه المناظر و ان اعثرتك عينك فخيرا لك اقلعها اقلعها اقلع الفكر و ان رسيت حتى حرفيا زى ما عملها احدهم فى ما مضى احد القديسين و قال كده يا عينى فكر صح قلع عينه لكن هو اقلعها الفكر اللى بيطاردك الراس اللى ملء بالخبث و الشهوات و بالمعاملات الرديئه و الحقد و الحسد قالك الغى ده كله تلغيه ازاى ؟ المطاردات كثيرة و المحاربات قاسيه و المغريات فى كل وقت و الانسان بجسده و تكوينه متعب بولس الرسول يقول ويحى ويح لى انا الشقى من جسد هذا الموت دا بيموتنى الجسد ده مين ينقذنى منه ؟ مين ينقذنى ؟ افكر اعمل خير القى الشر يجيبه الشيطان قدامى حاضر لا يترك لهذا الضعف و لكن يسوع يرد عليه يا بولس تكفيك نعمتى لان قوتى فى الضعف تكمل مانتاش متروك للضعف بس عليك تطرق الباب تخبط تقوله يا يسوع انا فى مشكله روحيه انا فى تجربه جسديه انا محاصر باصدقاء السوء انا فقير ماديا و بيضحكوا عليا و يقولولوا خد فلوس خد مش عارف ايه اعمل ايه ؟ اعمل ايه طيب ؟ خد فلوس و انا عندى و عنده ضيقه و محدش شفقان عليا تمشى ورا الفلوس تمشى ازاى ؟ ان مشينا ورائها يا ويلنا يا ويلنا محبه المال اصلا لكل الشرور الذى اذا ابتغاه قوم ضلوا عن الايمان و طعنوا انفسهم باوجاع كثيرة طيب ادى التجربه من هنا و الفقر من هنا و هنا لا لا كله دا لا قيمه له اصرخ ليسوع تلقى روح المعزى روح الحق و يسوع يقول انا هو الطريق و الحق يعنى انا الله يجيلك الله يهز كيانك يقولك ايه اللى بتدور عليه ؟ يفرحك فى فقرك يفرحك فى ضيقتك حزين مين اللى ماتلك ؟ ابن وحيد ولد كبير صدمته عربيه جاتله تهمه باطله اتسجن اتشنق اللى جاله طيب و يجرى ايه طب ما الشهدا كانوا مظلومين كانوا ظالمين ولا مظلومين ؟ كانوا مظلومين و قبلوا هذا الظلم عن طيب خاطر و عن ارتياح طيب ازاى قدروا يقبلوه ؟ فى قوه معزيه انت يا حزين اللى ماتلك واحد قريب لقلبك عزيز عليك مين يعزيك و يفتحلك السماء و تشوف حبيبك ده و احبائك بيتمتعوا بيهللوا فى الامجاد مع القديسيين مع العذارى الحكيمات اللى دخلوا و الجاهلات اللى هما قعدوا لا نايمين.. الامر الصالح الوقت مش عارف ايه ؟ نعم لسه بدرى حلنى وقتها لما تييجى الاخره دا انا بصحه جيدة و اول ما تجيلوا تجربه او صحه جسديه الحق الاطباء و لما يشوف الطب مافيش دوا الحقونى بالكنيسه عايز صلاه مسحه المرضى صلاه مسحه المرضى اللى بتعمل ديه فى الكنيسه فى الاسبوع الجمعه الاخيرة من الصوم الكبير بتعملها للشعب كله لكن قانونا لا تعمل فى المنازل الا لمن كان مريضا ولا يستطيع الوصول للكنيسه ده سر من اسرار الكنيسه ولا يمارس الا فى الكنيسه و الاعتراف ايضا فى الكنيسه و اماام الله و امام هيكله قوم الواحد يسمع من السماء على لسان الكاهن ان يقول السماء بتغفرلك مغفورة لك خطاياك فى بعض بنسمع عنهم بنسمع عنهم يقولوا روحوا البيوت و يا خدوا اعترافات مريض مكسح هيموت ايوه سر مسحة المرضى اعمله فى الوقت نفسه هذا الانسان نفسه لابد ان يعترف لان ممكن الخطيه بتاعته اللى جابتله قاله مغفورة لك خطاياك للمفلوج الله احنا جايبينه مكسح و مفلوج و حالته حاله على نقاله شايلينها اربعه ماله و مال خطاياه لا الخطيه هى السبب يعترف بخطيته قووم الرب يرفع عنه هذه المزله و يشفيه من مرضه و حتى ان ما شفاهش يكفى انه يشعر ان هالك بركة داخليه حلت فى اعماقه و روح الله بدا يهزه و يبكته و يوقظه و يقول لا و يبتدى يؤهب نفسه يدرب نفسه يؤهب نفسه و يستعد لاستقبال السماء الله دى قربت قربت لا مش القبر و خلاص القبر مالناش معرفه بيه القبر بيرموا فيه الجسد لكن روحى من تلاقى بعد صعودها او خروجها من الجسد ؟ هتلاقى امر كبيير نقول ملائكه نقول قديسين نقول العدل نقول مافيش لا فده سر مسحه المرضى ايضا لا يعمل الا فى الكنيسه الا اذا كان مرضى الاعتراف يجول بعض من الكهنه من هنا او هناك لكن انا اعتقد كهنتنا يعنى اشكر الله بيعرفوا واجبهم و مستنيرين يروحوا قال ايه ياخدوا قال اعتراف اعتراف ايه اللى فى بيت ان كان اب ان كان ام عيال صغيرين لا يروح الاب يرشدهم يروحوا الكنيسه يعلمهم يصلوا مع بعضيهم فى البيت يعلمهم انهم يقراوا الكتاب المقدس كلمه عامه جامعه شامله تفهمهم لكن علشان يركع و بعد كده يقرا له التحليل مش مكانه المكان الذى يعمل فيه هذا السر ذى المعموديه فى البيت يقولك معموديه واحد كبر او عجز ماتعمدش او اتعمد غلط اى فكره يقولوا اه بيطلع فى الروح يقولوا يا ابونا رشه بشويه مياه طيب خلاص غصب يارب لكن المفروض طالما بصحته و شعر فى الداخل ان كنيسته التى اورثته هذا الايمان لم يستقبل منها سر المعموديه بالكامل لا بكل بساطه يروح الكنيسه الكنيسه بتعمل حسابها حتى الست الكبيره منعا للحرج و الخجل برضه بينزلوا الستاره الكاهن يمد ايده من خلف الستاره اعمدك يا فلانه باسم الاب باسم الابن باسم الروح القدس اعمدك ده كنيستنا بتحطات و بتراعى الشعور لكن رشنى بالمياه او تعالى ادهننى بالميرون طب و بتغالط نفسك ليه ؟ يقول دا واحد عايز يتزوج واحده او واحد منهم من هنا و التانى من هناك يا عم دا شغل ده تحايل هناسس بيت سر زواج ناسسه على خطا شركه من اولها لاخرها العقد خطا الارتباط غير روحى و غير متمم امام الله بواسطه كلمته الالهيه التى تجرى على لسان الكهنوت الكلام ده لا كنيستنا بتقول كده ليس لى دخل باخرين انا بقول لاولاد الكنيسه اللى عايشيين معنا و اللى يفهموا ان هى اللى ورثتهم وجابتهم بدم ثمين قديسيننا سالت دمائهم هنا و هناك مارمرقس سالت دمائه فى اسكندريه و جرت وجرت و جرت من الغلب من ده لده و كل واحد على اسم الانجيل لغايه ما وصل الدم لاسيوط اتبنت كنيستكم دي بالدم و بالغلب و الشقاء و الطلبات و المزله و الاهانه و كان مالكش حق نصلى لكن ربنا اهو بيشفق علينا و بيجمعكم فى الكنيسه و بيعمل معجزات اهم من هذا و ذاك ان المعجزة تتم فى قلوبنا ان الله يملا كياننا ان الروح يحركنا و يهزنا هزه عنيفه لكى نستيقظ من نومنا من سكاتنا من غفلتنا نحاسب انفسنا على كل كبيره و صغيره ماننتظرش لما حد يحاسبنا ماننتظرش نحاسب نفسنا ايه اللى حصل النهارده ؟ ايه اللى تم ؟ ايه اللى عملناه ؟ احنا غلطنا ؟ لا حقكم يا فلان يا فلان سامحنى دا حتى ان كان ان اخطا اليك اخوك ماتزعلش منى انت زعلان ليه منى ؟ ليه مش راضى عنى ؟ يقول علشان كذا و كذا يقول معلش حقك عليا حتى ان كان هو اللى غلطان روح المحبه و روح الصفح و روح التسامح الروح القدوس يملا قلوبنا جميعا بنعمته و سلامه و هو قادر ان يعطينا من فرط حبه و حنانه ارشاد و يدينا كمان نعمه و يفرحنا و يعزى الحزين و يشبع الفقير و الغنى يديله قناعه مش علشان ان هو يقنع باللى عنده يقول اللى عندى مش ملكى ده ملك الرب دا هو اللى ادانى اومال انت ايه ؟ انا امين عليه اشكر الله كل ما كان هناك يدعو للمساهمه فى عمل الخير و كلمه ملاحظه اقولها و تكررها الكنيسه فى ناس كتير يدور يقول هات للفقراء هات مش عارف ايه الكنيسه لا تكلف احد لا لمشروعات ولا الفقراء لا هنا و لا هناك اى واحد بيجمع قد يستغل وجوده فى الكنيسه او هو من ضمن خدام الله و اعلم و يقول هات دا غلطان واحد او واحده بتليفون بغير تليفون فى مريض سرطان الحقوا مريض كلام فارغ اللى عاوز يبلغ الكنيسه و الكنيسه تفتقد و هى ادرى ليملاكم الرب من الحكمه و النعمه ايضا لنسلك كما يرضى صلاحه و الهنا ادرى ابانا الذى فى السموات ليتقدس اسمك لياتى ملكوتك لتكن مشيتك كما فى السماء كذلك على الارض خبزنا كفافنا اعطينا اليوم و اغفر لنا ذنوبنا كما نغفر نحن ايضا للمذنبين الينا و لا تدخلنا فى تجربه لكن نجينا من الشرير بالمسيح يسوع ربنا لان لك الملك و القوة و المجد الى الابد امين . 
|
 |
|
العرض العادي
