|
 |
 |
 |
|
رقم المشاركة : ( 1 )
22 - 10 - 2020, 10:07 AM
|
|||||||||||
|
|||||||||||
 في قصة شمشون.. حاجات لازم نفهمها.. القصة مش أسطورة قبل النوم.. اقرا القصة بشويش في الكتاب حتلاقي اننا اللى فهمناها غلط رغم أنها معجزة و عمل خارق لله .. اولا كلمة لحى طرية يعنى فك حمار و طرى دى يعنى جديد مش طرى و ده فعلا كان يستخدم كسلاح. . القتال مكنش في زمن قصير بل ربما قتال لأيام و لا يوجد ما يحدد المدة او يمنع مشاركة شعب يهوذا في صفه في القتال.. و بعد الحرب فقال شمشون: بلحي حمار كومة كومتين . بلحي حمار قتلت ( ضربت )ألف رجل.. .. بالعقل كده اكيد مش كل كومة ٥٠٠ .. لكن اكيد فيه كومة من رجال يمكن ما يعدوش ال ١٠ أفراد في كل جانب.. و يعنى مش حيقعد يقتل و يكوم ٥٠٠ فوق بعض.. طب و ايه المبالغة اللى اتكلم بيها... في اللغة قتلت تساوى ضربت يعنى قتل من الفلسطينيين عدد اللى اتكوم على كومتين و اكيد الفلسطينيين ما وقفوش طابور يستنوا دورهم في ان شمشون يقتلهم و اكيد مش لوحده اللى حارب شعبه معاه اللى كانوا تلات آلاف حاضرين و لما لقيوا روح الرب على شمشون و انه فك الوثاق و حارب دخلوا معه في الحرب... و اكيد منطقي ان شعب الفلسطينيين لما شافوا انكسارهم هرب منهم كتير.. اه مش بعيد على ربنا ان يقتل شعب برجل لكن القصة مش كده.. شمشون تحدث عن عمل الله و قدرته.. شمشون إشارة لعمل يسوع المخلص.. شمشون استسلم بارادته لبني يهوذا والمسيح بارادته اسلم نفسه لموت الصليب سلمه بني يهوذا للاعداء زى ما سلم اليهود المسيح لعدو الموت و اتهموه انه صانع شر كما اتهم اليهود السيد المسيح قابل شمشون الاعداء وهو مقيد زى ما واجه المسيح الشيطان وهو علي عود الصليب شمشون فك الربط وقتل الاعداء زى ما عمل المسيح و فك قيود الجحيم وسحق الشيطان الاعداء ما قدروش يمسكوه و انتصر شمشون زى المسيح لما الشيطان معرفش يمسكه وقام المسيح منتصرا علي الموت لما تحكوا حكايات الكتاب لولادكم ادرسوها كويس علشان محدش يشككهم و انها أسطورة. "اَللهُ لَنَا إِلهُ خَلاَصٍ، وَعِنْدَ الرَّبِّ السَّيِّدِ لِلْمَوْتِ مَخَارِجُ." (مز 68: 20) الله قادر ان يتدخل بطرق غير متوقعة و حلول مانستوعبهاش.. الله قادر جدا أن يفك الربط و وثاق الخطية.. الله في المشكلات اللى بالمنطق مستحيلة معندوش مستحيل الله يعطيك قوة في القليل الذى بايدك حتى لو كل اللى في ايدك فك حمار 😊 
|
 |
|
| قد تكون مهتم بالمواضيع التالية ايضاً |
| الموضوع |
| زوادة اليوم: حمار يقلّد حمار : 1 / 6 / 2023 / |
| حمار يقلد حمار .. اذن هو حمار |
| قمر و حمار |
| يا حمار |
| حمار يقلد حمار |
العرض العادي
