شخصيات كتابية نتعلم منها ( زوجة منوح أم شمشون )

[walaa farouk]

زوجة منوح (أم شمشون)
في سفر القضاة الأصحاح 13 يكلمنا عن شخصية بسيطة وتقية هنتعلم منها كتير
لم يذكر اسمها علشان تمثل كل واحد يتقى ربنا ويكون بسيط انه يكون زيها
1- المرأة العاملة
كانت بتساعد زوجها في الحقل
ولما ظهر لها الملاك كانت في الحقل فكانت معينة لزوجها
2- البساطة
غالبا ما كان يظهر ملاك يبشر بميلاد شخص كان بيظهر للأب زي ما ظهر لزكريا
لكن من أجل بساطتها وتقواها ظهر لها الملاك
ومن أجل بساطتها ربنا كرر ظهور الملاك أكتر من مرة ليها بناء على طلب زوجها
3- المرأة المحبة لزوجها
لما ظهر لها الملاك مرة تانية تركت الملاك لتخبر زوجها
كانت ممكن تقول مفيش فايدة فيه وقلتله الملاك هيظهر خليك جنبي
لكنها التمست العذر لزوجها ومشغولياته
حتى لما زوجها قال اننا هنموت عشان شفنا الله طمنته ان ربنا لو عايز يموتنا ماكانش ظهر لينا الملاك
تعالوا نطبق اللي اتعلمناه
1- ان كنت زوجة اشتغلي اي عمل حتى لو بسيط وساعدي زوجك
العمل مش عيب لكن لا تجعلي عملك يشغلك عن الاهتمام ببيتك
خلي دايما عملك في البيت لخدمة بيتك
2- البساطة اقرب طريق يوصلك للسماء
البساطة في التعامل مع الناس بمحبة
البساطة في الملبس بتواضع ووداعة
البساطة في الكلام بطول أناة
حتى في الأمور الروحية التعقيد والفلسفات هتوصلك لطريق مسدود لكن البساطة تفتحلك السماء بسهولة
3- كن دايما محب للجميع لأن المحبة هي تكميل كل الوصايا
التمس للجميع الأعذار زي ما بتلمتس لنفسك