"أبو بلاش كتر منه"

[walaa farouk]

اهتمام زيادة يرخصك..


قاعدة صح إلا باستثناءات قليلة جدا : "أبو بلاش كتر منه"
، و أحيانا "ابو بلاش سيبه و دور علي الغالي " !!

اللي تهتم بيه زيادة عن اللزوم و "تندلق عليه " غالبا بيسترخصك، و بيعتبر أن حبك ده حق مكتسب عنده ، و يا ببستغلك أو يلاعب مشاعرك أو يستقل باللي عندك و كتير بيتجاهلك و يدور علي غيرك ..

طبعا لكل قاعدة استثناءات : للي بيقدرك و يقيم حبك الحب و الاهتمام بيبقي متبادل و بنفس الغلاوة : أصدقاء من نوع غالي ، شريكي حياة ، ابناء و آباء..

تعمل ايه في اصل الإنسان؟ هو كده يحب يتعب لغاية ما يوصل للي عاوزه ، حتي لو "أبو بلاش" احسن ألف مرة من ابو فلوس" !!
هو كده ، صنعة الإنسان انه في الجنة و تدي له كل حاجة بوفرة ، يسيب كل الغني ده االي ببلاش ، و يدور علي اللي مش تحت ايده و محروم منه ..

درس هام لسلامتك النفسية، ادي كتير للكل و من غير مقابل ، بس اول ما تحس ان حد استرخصك، غلي قدرك و قلل اندفاعك و خلليه يحس ان عشرتك غالية و كرامتك في الحب "المتبادل" ، مش في المشاعر الذليلة و المكسورة و الرخيصة ..

طبعا كل ده بحكمة و ذكاء و مشورة لتقلب علي "متعنطظ" و "متكبر" ..

و الحقيقة الخالدة أن "الغالي تمنه فيه" ..