طرق بسيطة تساعد التلميذ فى انجاز واجباته

[walaa farouk]

ماما انا ذاكرت شويه اهوه ، ممكن الموبايل بقى شويه افصل بيه "

كام واحده زيى ابنها قالها الجمله دى 😏، يذاكر شويه وبسرعه ينط على الموبايل او التاب بين كل ماده والتانيه ، وللاسف كل مره بيبقى مش مركز أكتر من اللى قبلها ، والخناقات تبدأ بقى😤 ...

اكتشفت ان الاجهزه دى مش بتخليه يفصل أو لكن بتشتت تركيزه اكتر واكتر 😳، علشان كده كان لازم يبقى فى بديل وحل للمشكله دى

10 نصائح 😘علشان تذاكروا صح👍 مع اولادك :
=================================

1- الطفل لما يرجع من المدرسه خليه يفصل 😴، يريح أو ينام لمدة تلت ساعه كدة ، خليه يفصل من اليوم الطويل و كم المعلومات اللى أخدها فى يومه .

2- بعد كدة هيقوم يتغدى و طبعا خدى بالك ان الغدا يكون متوازن و يحتوى على فيتامينات و معادن 🥒🥕🍅 🍎🥦🌽.

3- نبدأ الواجب : حطى جدول 🗓(مع) الطفل بالواجبات المطلوبه منه ، تكون واضحة و يكون عارف ايه اللى وراه .

4- فى أطفال بتحب تبدأ بالسهل و ده بيديهم حماس يكملوا اللى بعده ، لو انتى عارفه ان ابنك بيجى على الاخر و بيتعب يبقى خليه يبدأ بالواجب اللى محتاج نشاط🧠 ذهني أكبر.

5- لازم تكون الاضاءه جيده جدا جدا 💡، المكان مرتب و ميشتتش الطفل ، شيلي أى حاجه ادام الطفل ممكن تشتت تركيزة ماعدا الواجب الى عليه .

6- خلى مع ابنك نوته صغيرة بيكتب فيها أى حاجه مطلوبه منه فى المادة اللى بيذاكرها (مطلوب منه بحث مثلا،أو صورة ..)

7- ابعدى أى أجهزة من المكان اللى بيذاكر فيه الطفل📱💻📞 .

8- لو عندك أكتر من طفل متخليهمش كلهم يقعدوا يذاكروا فى نفس المكان ، رتبي لكل طفل مكانه .

9- الواجب اللى يخلص فورا يحطه فى الشنطه 🎒.

10- لازم تخلى الطفل يفصل بين كل مادة و التانيه لكن طبعا بلاش يفصل بأجهزة 🕹📱أو لعب على التاب ، الأفضل انه يفصل بألعاب حركيه أو ألعاب ذهنيه تنمى التركيز