|
 |
 |
 |
|
رقم المشاركة : ( 1 )
17 - 10 - 2020, 08:25 PM
|
|||||||||||
|
|||||||||||
 الستات مبهره حتى وهى بتعك الدنيا عكنا مبهر تعرف تميزه من وسط غلطات كتير😁احنا مبهرين حتى واحنا مش ماشيين فى خط العادى ..مبهرين وانا مبنمتلكش كل الامكانيات من فتره اتعرفت اتعزمت على الغذا فى بيت وكان فى اصناف فى الاكل مبهره لدرجه زقتنى اسال السؤال الطبيعى فى المواقف دى .. الطريقه ايه ؟؟ بس اللى كان مبهر اكتر من طعم الاكل ان عرفت ان الست الجميله اللى عملت الاكل ده فى وقت ما من حياتها اتعرضت لحادثه شديده اوى اثرت عليها فى حاجات اهمها انها افقدتها حاسه التذوق والشم للابد !!! ايو نفس رد الفعل ده بالظبط والدماغ اللى لفت دى كان رد فعلى😄 وركبت ساقيه الاسئله اللى مبطلتش فى دماغى طب هى عرفت التوابل زادت ونقصت فى الاكل ازاى؟ طب عرفت ازاى ايه محتاجه الاكل وضافته او لا؟ طب عرفت ازاى تقرر وتحكم ان كدا الاكل تمام ؟ طب عرفت امتى ان الملح كده كفايه او طعم الفلفل هنا هيكون مناسب ؟ ايه كان معيارها فى الحكم ؟ بس لما شاركت الموقف ده مع حد خبطنى باجابه نقلتى من كفه الحيره لكفه الانبهار بجوابه انه اعتمدت على "ذاكرتها التذوقيه " هى لسه فاكره طعم الفلفل بيكون ازاى ..هى لسه ذاكرتها قادره تساعدها ان الزياده دى من الملح هيبوظ الطبخه. .هى لسه عارفه تعتمد فى تقديرها على اللى داقته زمان .. هى لسه خبرتها القديمه قادره تسعفها وقت الازمه وقت مايكون قلبك مش عارف "يدوقه" وقت ماتكونى فقدتى كل محاوله استمتاع بيه وبعشرته ارجوكى متمشيش و تقفلى بابك ..اقفى وامسكى بطرف خيط ذكريات نعمته ليكى ..افتكرى مواقف جدعنته زمان ورجعى طعمه الحلو فى قلبك اتجددى بكل خبره عشتيها معاه واتحفر تفاصيلها فى كل كيانك افتكري طعم اللقا الاول معاه افتكري طعم محبته اللى غمرتك وقت جفافك افتكرى ان اللى ملا زمان قادر يفيض دلوقت قاومى ضبابيه غيابه وغيمه سكوته .. وبكل طعمه الحلو اللى لسه سايبه جواكى ..قادر يجدد ايامه معاكى 
|
 |
|
| قد تكون مهتم بالمواضيع التالية ايضاً |
| الموضوع |
| لما تقرروا تبعدوا عن حد اتكلموا معاه الاول |
| اللقا مش سلام إيد..... |
| انا التراب افتكري يا نفسي |
| انا التراب افتكري يا نفسي |
| انا التراب افتكري يا نفسي |
العرض العادي
