لكل يوم زوّادة: المسامحة : 16 / 10 / 2020 /

[souad jaalouk]

لكل يوم زوّادة: المسامحة

بيقول البابا شنودة التالت: "من لا يتسامح مع عيوب الاخرين يكسر جسرا قد يحتاج يوما ان يعبره فالكل يحتاج الى التسامح."
مين مِنّا ما بيغلط؟! مين مِنّا ما رح يعوز يعتذر و ينطر انّو يتسامح؟كلنا معرّضين لهالموقف و متل ما منتمنّى نتعامل لازم نعامل. ما فيك تنطر من حدا يسامحك و انت مش حافظلو كل اغلاطو و بتضوّيلو عليهن بكل فرصة. ما تقولو هيدا ما بحكي معو و هيدا زعلان مِنّو بدّي بَعِّد عنّو. بدل ما تفرقو اجمعو، بدل ما تْبَعدو المسافات عمرو جسور بينك و بين الناس بحياتكن، ما عم تقدرو؟ صَلّوا إلكن و إلُن!
"وَأَمَّا أَنَا فَأَقُولُ لَكُمْ: أَحِبُّوا أَعْدَاءَكُمْ. بَارِكُوا لاَعِنِيكُمْ. أَحْسِنُوا إِلَى مُبْغِضِيكُمْ، وَصَلُّوا لأَجْلِ الَّذِينَ يُسِيئُونَ إِلَيْكُمْ وَيَطْرُدُونَكُمْ،" (مت 5: 44)الله معكن