|
 |
 |
 |
|
رقم المشاركة : ( 1 )
13 - 10 - 2020, 07:07 PM
|
|||||||||||
|
|||||||||||
 دنيا قلّابة هي و ناسها هي كده ، لا تصدقها و لا تآمن لها و لا تطمن ليها و لا للي فيها .. قلابة هي و اللي فيها و اللي ماشي عليها .. تديها تاخد اللي عندك ، تحترمها تكسرك تجري وراها تجري منك ، تحترمها تذلك ؛ لكن ترميها ورا ضهرك تجيلك عند رجليك ، تجري منها تجري وراك .. و ناسها كده ، للاسف زي الدنيا أصلهم من ترابها .. تخدمهم و تموت نفسك علشانهم يعتبروه حق مكتسب ، و عند اول ناصية يبيعوك .. تديهم اللي عندك يطمعوا اكتر ، تسهر علي راحتهم يناموا اول ما يشوفوك ، تفتكرهم ينسوك ، تنساهم يفتكروك ، تتواضع يصغروك، تقل بيهم يخافوا منك و يعملوا لك ألف حساب .. عاوز تعيش فيها، ما تآمن لهاش لانها غدارة و دوارة و قلابة . . لو ادتك منصب ح تسرق منك راحتك ، و لو ادتك فلوس ح تاخد منك راحة بالك .. اوعي تطلب منها لتذلك و اوعي تقف علي بابها لتعلك !! لو خدت منك يبقي طبعها و ما تستناش منها غير طبعها ، و لو ادتك خد منها و انت شبعان و مش مستنيها ، و فرح الناس معاك بكل كرم و سخاء .. عاوز ترتاح برضه ما تستناش من حد حاجة و لا تعاملش اللي فيها زي ما بيعاملوك .. خليك كبير في معاملاتك و اخلاقك لان الكبار في الدنيا نوادر، و ادي من غير ما تتعشم لان اللي ح يقدروك نوادر النوادر.. ريح بالك من العشم لان اللي ح يقدروا مشاعرك نادر ما تلاقيهم .. لو قعدت تستني اللي يفهمك و يرد لك الخير ح تتعًب و تتِعب .. اكرم الكل و دي الكل و عيش أكبر من الانتظار و العشم .. اللي ينساك اعذره ، و اللي ما يردش جميلك ما تعاتبوش.. ادي كتير من غير توقع ، تكبر و تعلي و تفرح و ترتاح .. لو فهمت الدنيا و ناسها مش ح تقلبك و لا ح تتعبك.. 
|
 |
|
| قد تكون مهتم بالمواضيع التالية ايضاً |
| الموضوع |
| نت لازم تخدم ومافيش حاجه اسمها الخدمه ليها ناسها |
| ليه يا دنيا |
| يا دنيا |
| يا دنيا |
| ترنيمة دنيا لكن دنيا |
العرض العادي
