| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
26 - 09 - 2020, 06:36 PM
|
||||
|
||||
 هو ربنا بيشيل ستره .. عمر ما ده بيحصل ، لأنه " يشرق شمسه على الأشرار والصالحين ، ويمطر على الأبرار والظالمين (متى ٥: ٤٥) .. احنا اللي بنطلع بره ستره ، فنبقي من غير مظلة حضوره ، و بنخرج خارج حمايته .. زي الابن الضال (لوقا ١٥) اللي اختار يسيب بيت ابوه ، و بقي "في الهوا" لوحده من غير ارشاده و لا وجوده .. و بكده لما لقي أصدقاء السوء ما لقاش حد يوجهه و لا ياخد بايده و لا يحميه من نفسه و رأيه و عقله و مشاعره .. لكن اول ما رجع لنفسه ، و رجع لحماية الاب، دخل تاني في مظلة حمايته .. برضه شمشون لما اختار انه يرتبط بدليلة، ربنا قعد ساتر عليه ٣ مرات ، و هو أصر يمشي في عصيانه (قضاة ١٦) ، و اختار يسيب نذره، و سلم نفسه ليها حتي تم حلق شعره فوقع بين الأعداء و فقد شعره و عينيه و حريته .. ربنا بيجري ورانا و بيستر علينا شهور و سنين ، لكن اصرار الإنسان علي البعد عنه هو اختياره الشخصي .. و رفع الستر الإلهي مش عقاب الهي علي قد ما هو قرار إنساني بالابتعاد عن محضر الله فيقع في فخاخ النفس و ما أكثرها.. نقطة تانية هامة .. مش كل الم هو بعد عن الله لان العالم مليان بالشر و الأشرار، و هنا ربنا بيتدخل في حياتنا لنحتمل و ليخرج من الألم خير و بركة ؛ يعني هو مش مصدر الالم لكن بيقف معانا وسط الالم .. نوع تالت من الألم هو تحارب الشرير ( لا تدخلنا .. بل نجنا.. من صلاة ابانا الذي) ده حرب من عدو كل خير، بنلتجيء لله ببحمينا و يسندنا .. اما نوع الألم اللي نقع فيه بسبب توابع أعمالنا الخاطئة و اصرارنا عن البعد عن الله هو السبب في أننا بنفقد حمايته و ارشاده اللي مش ح يفرضه علينا احتراما لحرية إرادتنا.. ارجو اكون شرحت انواع الالام الثلاثة بوضوح . 
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| ربنا يديك من صبره ومن حكمته ومن نعمته | walaa farouk | موسوعة توبيكات مميزة | 0 | 28 - 08 - 2023 09:35 PM |
| لسه ربنا بيشيل عنا حتى لو مش قادرين | walaa farouk | موسوعة توبيكات مميزة | 0 | 12 - 07 - 2022 08:01 PM |
| اوعى تبطل تشكر ربنا على ستره عليك | walaa farouk | أقوال الأباء وكلمة منفعة | 0 | 03 - 10 - 2021 12:51 PM |
| ربنا يسوع بيشيل مشاكلك | Mary Naeem | أفكار جديدة للخدمة | 0 | 30 - 05 - 2021 12:00 AM |
| لسه ربنا بيشيل عنا حتى لو مش قادرين | walaa farouk | موسوعة توبيكات مميزة | 0 | 13 - 07 - 2020 07:13 AM |
العرض العادي
