|
 |
 |
 |
|
|
|
رقم المشاركة : ( 1 )
27 - 08 - 2020, 09:50 AM
|
|||||||||||
|
|||||||||||
 من فترة رحت اسحب فلوس من ماكينة ATM وبعد مادخلت الكارت والباس ورد وبدأت ادخل على الخطوة اللي بكتب فيها المبلغ المراد سحبه ظهرلي على الشاشة " برجاء الانتظار " انتظرت .. والجملة مش بتتغير دقيقة اتنين تلاته اربعه والموضوع طول فبدأت اقلق .. هي علقت ولا ايه هو الكارت مش هايطلع ولا ايه وبدأت افكر لو الكارت مطلعش هعمل ايه طيب اتصرف ازاي وانا محتاج فلوس ضروري ودلوقتي هل هتصل بالبنك يقولولي حل سريع اعمله وانا واقف ولا اروح لاقرب فرع رئيسي يبعتوا حد يخرجه من الماكينة ولا كده خلاص الكارت اتفقد واطلع غيره طب لو مشيت .. هل لازم اجي المشوار ده تاني علشان اخده من اقرب فرع للماكينة ولا ممكن اخده من اقرب فرع ليا عادي طيب افرض زهقت ومشيت وبعد كده الماكينة طلعت الكارت وحد تاني خده .. اتصرف ساعتها ازاي اسئلة كتير بتدور في بالي لان الماكينة مش عاملة قصادي اي اكشن غير جملة " برجاء الانتظار " لدرجة كنت هيأس وهمشي وفجأة الكارت خرج ساعتها نسيت كل شئ وخدته ومشيت ولا كأن فيه حاجه .. وكل الاسئلة اتبخرت من مخي كاني مفكرتش فيها من الاساس - احيانا بنتحط في مواقف بايخه وننتظر حلول السماء .. ولكننا بنلاقي مكتوب " برجاء الانتظار " في المرحلة دي بيجي في تفكيرنا مليون حاجه .. ايه ممكن يحصل هانعيش ازاي هانصرف ازاي هانخف ولا لا هانتقبل ولا لا هانسافر ولا لا هاننجح ولا لا ربنا هايرزقنا ولا لا مليون سؤال وسؤال بيحاصرونا ليل نهار ومخاوف طول الانتظار بتقتلنا وفجأة تيجي الاستجابة ومعاها نسيان لكل الهم اللي كنا بنفكر فيه استجابة بتيجي قبل ما اليأس يدق قلبك .. وجايز معاه ياصديقي المهموم .. كل ما انت فيه الان ليس الا مرحلة " برجاء الانتظار " فقط انتظر .. وسيبقى كل شئ بإذن الله على ما يرام ❤ يقيني بكل التجارب السابقة التي مريت بها يجعلني اؤكد لك هذا ⚘⚘ 
|
 |
|
العرض المتطور