تأملات كتابيه بالعامية (الوقت مقبول)

[walaa farouk]

انجيل متى
الاصحاح الرابع
- بدايه خدمته فى الجليل مت 4: 12-، 17

بعد المعموديه والانتصار فى التجربه تبدأ الخدمه.
.يسوع بيرسم خطوات الحياه المسيحيه اللى على شبهه..
ومش غريب ان هدف الخدمه يتلخص فى نفس الجمله اللى قالها المعمدان **توبوا، ﻷنه قد اقترب ملكوت السموات** اذن ملخص الخدمه وغايتها انها رساله توبه لكل انسان توب وفيه سبب ان الوقت بيجرى والملكوت بيقرب وعند ملك المسيح فيه طريقين ملهمش تالت ..
. يا فرحان بالاكاليل يا مرعوب من الدينونه..
اذن فلنتب عن كل خطيه *الان*
"هذَا وَإِنَّكُمْ عَارِفُونَ الْوَقْتَ، أَنَّهَا الآنَ سَاعَةٌ لِنَسْتَيْقِظَ مِنَ النَّوْمِ،
فَإِنَّخَلاَصَنَا الآنَ أَقْرَبُ مِمَّا كَانَ حِينَ آمَنَّا" رو 13
وساعتها ينطبق علينا اللى مكتوب "الشعب الجالس فى ظلمه ابصر نورا عظيما، والجالسون فى كوره الموت وظلاله اشرق عليهم نور"
يا كل واحد قاعد فى ضلمه الخطيه فى ضلمه نفسيه فى ضلمه الماضى فى ضلمه اتحطيت فيها ومكنش ليك ذنب ... اسمع لرساله المسيح الواضحه عشان تتطلع للنور "توبوا،ﻷنه قد اقترب ملكوت السموات" دلوقتى وقت مقبول للتوبه.. الحق قبل فوات الاوان.. الباب مفتوح دلوقتى محدش يعرف بعد ساعات يا ترى هيفضل مفتوح؟ يا ترى هتفضل انت موجود؟؟ " لأَنَّهُ يَقُولُ: «فِي وَقْتٍ مَقْبُول سَمِعْتُكَ، وَفِي يَوْمِ خَلاَصٍ أَعَنْتُكَ». هُوَذَا الآنَ وَقْتٌ مَقْبُولٌ. هُوَذَا الآنَ يَوْمُ خَلاَصٍ." 2كو6
الوقت مقبول واليوم خلاص ... والقرار عندك وعندى!!